Entreprenørmaskiinanik mekanikeri

Entreprenør maskiinanik angisuunik passussinissaq nuannaraajuk? Entreprenørit silarsuaanni maskiinat aaqqissugassani aserfatsaaliugassanilu aaqqissuisartuni pitsaanerpaarusukkuit taava ilinniagaq una ilinnooqqinnaarpoq.

Ilulliit qaqortut kukiillu kusanartut nuannaartoraagit? Taava Entreprenørmaskiinanik mekanikerisut ilinniassanngikkunarputit. Taavali akerlerpiaatut ipertilaarnissat, assanni olieqalaarnissat motorinillu passusserujoorusunneruit? Aap taava una ilinniarneq ilinnoorpoq!

Entreprenørmaskinanik mekanikeri assaasartunik, usissutinik, bæltetraktorinik, gummihjulslæsserinik, karaaninikallanillu maskiinanik sanaartorfinni allanilu assingusuni atungaasuni aaqqissuillunilu aserfatsaaliisarpoq. Nunalerinermut orpippassuarnilu maskiinanik atortorissaarutinillu atugassiaasartuni aserfatsaaliisarsinnaavutit.

Entreprenørmaskiinanik mekanikerisuttaaq nammineerlutit atortorissaarutit taarsiissutissaannik pissamaataannillu pilersitsisinnaasariaqarputit. Sulineq sullivinniikajunnerusarpoq, kisialli aamma maskinstationini aamma entreprenørmaskiinanik fabrikkiniissinnaalluni. Ilinniarnerni uku suliarisassavagut motorit, hydraulik, elektronikkit, nillorsaatit, transmissioni allarpassuillu – pikkunaannavianngilaq. Motorinik maskiinanillu ikkussuineq ajoqutinillu siuarsimasunik nassaarniarneq ilinniassavat.

Ungasissorsuarminngaanneeruit ajornanngitsumik HEGp Skolehjemmianut inississinnaavutit ilinniarnerpillu sinnera tassaniillutit, taanna Aars-imiippoq. Tamassuma misigisaq pitsanngortiinnartarpaa.

Entreprenørmaskiinanik nunalerinermullu maskiinanik mekanikerisut ilinniarnermi immikkut ilinniagaasunit qaffasissunit siunissami suliffissannut piareersarlutit ilisimasassannik tuniorarluassavaatit.

Atuarfimmi Aars-imiittumi immikkut ilinniagassat makku toqqarsinnaavatit:

• Entreprenørmaskiinanik mekanikeri
• Nunalerinermi maskiinanik mekanikeri
• Kranmekanikeri
• Nunalerinermi maskiinaanik saffiooq
• Personliftmekanikeri

Immikkut ilinniakkat sunaluunniit aallaavigigaluarlugit ilinniarnermi pingaarnertut ilinniakkami immikkoortut 7-iupput. Tassa imaappoq ataatsimut sapaatip akunnerini 35-ni ilinniarfimmiissasutit.

Pingaarnertut ilinniakkat siulliit pingasut tamanut atuupput karaaninut mekanikerinut minillugu.

Ilinniarnerit materielmekanikerisut ukiut marluk qaammatillu arfinillit allorfik 1-imi naammassisinnaavat imaluunniit immikkut ilinniakkanut ingerlariaqqillutit.

Pingaarnertut ilinniakkat taakku arfineq marluk sunik imaqarpat?

1. Pingaarnertut ilinniagaq
   Materialit assigiinngitsut ilisimanerulissavatit, svejserineq, motorit aammalu it. Ilaatigut 4 takterit pillugit ilinniagaqassaatit, motorsynkroniseringi aammalu motorinik assigiinngitsunik aaqqissuisinnaaneq aammalu svejserissaatit innermillu atorlutit agguillutit.
2. Pingaarnertut ilinniagaq
   Makku ilinniassavatit, isumannaallisaanermi nakkutilliineq, elektroniki, suliamut tunngatillugu engelsk aamma it. Ilaatigut lade- og starteranlægimik suliaqassaatit, ohms lov, ladestrøm aamma spænding, qullerit, tegngivningsanlægit, tilkoblingi allarpassuillu malittarisassat pillugit ilinniagaqassaatit.
3. Pingaarnertut ilinniagaq
   Makku ilinniassavatit transmission, hydraulik, elektronik, sulissineq aamma miljø. Ilaatigut gearkassemik angisuumik ingutsissavat, nassuiaallutit atortorissaarutai qanoq atuuteqarnerinik nasuiaallutit, taamaasisinnarlutillu katiteqqillugulu aaqqissoqqillugu. Hydrauliskinik aamma elektrisk anlæginik sanasinnaaneq aammalu diagramminik suliaqarlunilu atuarsinnaaneq. Pingaarnertut ilinniagaq una materielmekaanikerisut naammassisinnaavat.
4. Pingaarnertut ilinniagaq
   Makku ilinniassavatit dieselmotorinik aamma hydraulisk anlæginik suliaqarneq, suliamut tunngatillugu it aamma suliamut tunngatillugu engelsk. Ilaatigut motorstyringi aamma common rail teknologimik suliaqassaatit, traktorinik effektudmålingi atorlugu misilittaaneq aammalu orsussamik atuinermut nalilersuineq, load sensing hydraulik, proportional hydraulik aammalu hydrostatisk siuariarneq il.il.
5. Pingaarnertut ilinniagaq
   Makku ilinniassavatit isumannaallisaanermut nakkutilliineq, transmission aamma entreprenørmaskiinat. Uani pingaarnertut ilinniarnermit entreprenørmaskiinanut saannerujartussaatit.
6. Pingaarnertut ilinniagaq
   Makku ilinniassavatit, Entreprenørmaskiinanik ingerlatsiinnassaatit aamma styre- og overvågningsanlæginik aqutsineq, hydraulisk anlægit, nutaaliorneq aallartitsinerlu.
7. Pingaarnertut ilinniagaq
   Entreprenørmaskiinanik suliaqarneq ingerlateqqissavat aammalu tamatuma saniatigut lift og styre- og overvågningsanlæginik ilinniagaqarlutit, aammalu sapaatip akunnera kingullermi svendeprøvessallutit, tassanilu pisinnaasatit tamarmik takutissinnaassallugit.