IT supporteri

It-systeminik suliffeqarfinni tamalaani atuisunik sulisuniillu ajornartorsiutinut aaqqiiniarnermut atorneqarsinnaasunik atuineq inerisaanerlu ilinniassavat,

Ilinniarnermi it-systemini ass. attaveqarneq aammalu serverinik ajornartorsiutinik aaqqiiniarneq ilinniassavat.

Qanoq it-systemit periuuseqarnersut ilinniassavat aammalu qarasaasianut programminik, paasissutissaasivinnut systeminut aammalu allat suleqatigalugit appinut programmeeriinissaq iliniassavat.

Data- aamma attaveqarnermut ilinniarsimasutut suliffeqarfinni atuisunut sulisunullu it-supportikkut sullissisinnaasariaqarputit. It-supporterisut, it-siunnersortitut imaluunnit softwarenik inerisaasutit pisortani imaluunniit suliffeqarfinni namminersortuni sulisinnaassaatit.

Ilinniarnerup qarasaasiatigut proggrammeriinissamut, sillimanermut systeminut, paasissutissaqarfinnut, appinut allarpassuarnullu it-systeminut tunngatillugu teknologiitaanik paasinninnerulersissavaatit.

Assigiinngitsutigut misilittagaqarnerulissaatit ass. it-kkut sillimaniarneq aammalu programminik appinillu inerisaaneq.

Serverinik attaveqaatinillu ingerlatsineq aserfatsaaliinerlu ilinniassavat. Aammattaaq sullitanut qarasaasiatigut aaqqitassanik sullissaqarsinnaanissat ilinniassavat.

Ilinniarnerup allanik suleqateqarsinnaanissaq pitsanngorsartarpaa, ilinniarnermi suliassaasut eqimattakkaarluni suliassaanerusarmata. Pitsaaqutaassaaq kisitsisilerinikkut aammalu tuluttut piginnaasaqarluaruit, it-systemit tuluttut kisitsisitigut annerpaamik suliaallutillu nassuiaateqartarmata.

Ilinniarnermi ingerlariarfiit immikkullu ilinniakkat

Ilinniarneq it-supporterisut (allorfik 1) imaluunniit ingerlariaqqinnikkut datateknikerisut immikkut attaveqaateqarnermut ilisimasalittut (allorfik 2) imaluunniit datateknikerisut immikkut programmerinngimut ilisimasalittut naammassisinnaavat.

• It-supporteri: Suleqatitit atuisullu softwareinik hardwarenillu ikiorsinnaanissaat ilinniassavat.
• Data teknikeri immikkut attaveqaateqarnermut ilisimasalik Attaveqaateqaatit ajornakusoornartut aqunnissaat sananissaalluunniit ilinniassavat. Assersuutigalugu attaveqaatitigut suliffeqarfiusinnaavoq arlalinnik najugalittut allassimasulik. Attaveqaat ingerlanera, sillimaniarneq ajunngitsoq aammalu atuisut eqqortut attavinissinnaallutik atuinerannik ilinniagaqassaatit.
• Datateknikeri immikkut programmerinngimut ilisimasalik: Qarasaasianut mobiilinullu atorsinnaasunik softwarenik pilersitsillutillu programmeriisinnaaneq ilinniassavat.

Inuussutissarsiutigalugu tunngaviusumik ilinniarnermut tigusaanissamut piumasaqaateqarpoq. Pingaarnertut ilinniarnermut ingerlariaqqikkusukkaanni ikaarsaarnermut aalajangersimasunik naammassisimasassanik piumasaqaateqarpoq.

Tunngaviusumik ilinniarnermut tigusaanissamut piumasaqaatit
Inuussutissarsiutigalugu tunngaviusumik ilinniarnermut tigusaaniaruit piumasaqaatinik naammassinneqqaartariaqarputit:

• Meeqqat atuarfiat naammasseqqaarsimasariaqarpat imaluunniit allamik assigusumik naammassinnissimasariaqarputit.
• 9. imal. 10. klasse-mit Danskimi Matematikkimilu naammassinninnermi misilitsinnermi allamiluunniit assigusumi naammassinninnermi inaarutaasumik agguaqatigiisillugu minnerpaamik 2,0 angusimasariaqarpat

Suliffeqarfimmik ilinniarfissatut isumaqatigiissuteqaruit inuussutissarsiutigalugu ilinniarnermut piumasaqaat naammassisimassavat. Taamaattorli ilinniartitaanermut peqataasarnissamut piumasaqaat aamma naammassisariaqarpat.

Malugiuk: Tunngaviusumik ilinniarnermi ingerlariaqqinnermi tigusaaniaruit ilinniarnissamut isumaqatigiissuteqaqqaartariaqassaatit imaluunniit aalajangersimasunut inissaatigineqartuni tigusaasimassallutit - Annertussusiliineq pillugu allagaq takuuk

Pingaarnertut ilinniarnermut ikaarsaarnermut piumasaqaatit
Pingaarnertut ilinniarnermut aallartitsiniarnermi ilinniarnerlu naammassiniarnerani ilinniagassat ukua inaarutaasumik angusisimaffigineqarsimasariaqarput:

• Matematik D-niveaumi (allorneq 1-imili kisiat tigusaaniaraanni E-niveau)
• Engelsk E-niveaumi

Tamatuma saniatigut tunngaviusumik ilinniarnermi uku naammassinnissimanermut allagartat pisimasariaqarpatit:

• Inuussutissarsiutigalugu ilinniarnerni ikiueqqaarneq
• Nalinginnaasumik innermik akiuineq

Pingaarnertut ilinniarnermut aallartinniarnermittaaq ilinniartitaanissamut imaluunniit atuartitaanissamut isumaqatigiissutilioqqaarsimasariaqarputit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit

Ilinniarnermik aallartiffik
Ilinniarneq januar aamma augustimi aallartittarpoq

Neqeroortoq
Next KBH imaluunniit Media College Denmark

Aningaasaqarneq
Qanoq sivisutigisumik sulisimaneq ukiut aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.

Siunissami periarfissat/suliffissat
Assigiinngitsutigut film, tv aamma nipilersornikkut, radio- aamma tv-stationini, ussassaarusiortarfinni imaluunniit AV-nilluunnit atortorissaarutinik atukkiisartuni suliffeqalersinnaaneq periarfissarilissavat. Suliaqarfiit annertunerusumik namminersortunit aallunneqakajuppoq. Ilinniarfik una ilinniariaqqinnissanut arlalinnut ingerlariaqqititsisinnaavoq.

Ilinniarnermut pilersaarut
Uani paasisaqarnerusinnaavutit: https://www.ug.dk/uddannelser/erhvervsuddannelser/teknologibyggeriogtransport/film-og-tv-produktionsuddannelsen

Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.