Ilinniarnermi ukiumut feeriarnissamut akiliunneqarluni angalanissamut qinnuteqarit

Akiliunneqarluni angalaneq immikkut neqeroorutaavoq ilinniarnersiutisiaqaruit qinnutigineqarsinnaasoq.

Akiliunneqarluni angalanerit assigiinngitsut tassaapput:

• Ilinniarnermik aallartitsineq ilinniarnermillu naammassinninneq
• Ilinniakkamik taamaatitsineq taamaatitsigallarnerluunniit
• ukiumut feeriamut/juullimut akiliunneqarluni angalaneq
• Ernisimalluni sulinngiffeqarneq
• Ilinniarnermut atatillugu najugaqarallarneq
• Napparsimaneq ilaquttanillu qaninnernik toqusoorneq

Illit ilinniartutut piumasaqaatit naammassigukkit akiliunneqarlutit angalanernut assigiinngitsunut pisinnaatitaaffeqarputit.

Ukiumoortumik feeriarnissamut akiliunneqarluni angalaneq tassaavoq angalaneq ilinniartutut ukiumut ataasiarlutit qinnutigisinnaasat.
Ukiup atuarfiusup ingerlanerani ukiumoortumik feeriarnissamut akiliunneqarlutit illoqarfiup ilinniarfigisavit Nunatsinnilu angerlarsimaffivit akornanni siumut utimullu angalasinnaavutit.

Akiliunneqarluni angalaneq makkununnga atorsinnaavat:

• Kalaallit Nunaanni najugaqarfigisat kingulleq
• Nammineq meerarisavit Kalaallit Nunaanni najugaat
• Angajoqqaavit suli uumasut Kalaallit Nunaanni najugaqarfiat kingulleq
• Akiliunneqarluni angalaneq Kalaallit Nunaanni najugaqarfissamut allamut angalanertut pisinnaavoq kingullermik aalajangersimasumik najugarisamut angalanermut aningaasartuutit ornitassamut aningaasartuutissat qaangersimanngippatigit.

Malugiuk:
Katisimaffigisat taassumalu meerai Ukiumoortumik feeriarnissamut akiliunneqarluni angalanermut matumunnga ilaanngillat.  

Ukiumoortumik angalanissat akilerneqassappat:

• Ilinniarnermik aallartitsinissamut atatillugu aallartiutitut angalanikuusimassaatit
  
  
• Ilinniakkat qaammatinit aqqaneq marlunnit sivisunerussaaq
  (Ilinniakkat sivisunerpaamik  qaammatinik aqqaneq marlunnik sivisussuseqarpat, feeriarnissamut akiliunneqarlutit angalasinnaanngilatit)
  
  
• Ilinniakkat aallartinneranit qaammatit qulingiluat qaangiutereersimassapput
  Ilinniagaq piffissami 1. novemberimiit 31. januaari tikillugu aallartinneqarsimappat, akuliunneqarluni angalaneq siusinnerpaamik ilinniarnerup aallartinneraniit qaammatit 5 qaangiuppata pisinnaavoq. (Ilinniarneq 1.-15. februaarimi aallartissimappat qaammatit tallimat pillugit maleruagassaq atuussinnavortaaq)

Meeraqaruit
Meeqqat ukiumoortumik feeriarnissamut akiliunneqarluni angalanissaanut akuerineqassappata angajoqqaatut oqartussaassueqarnerit uppernarsassavat.
Ilinniakkamik aallartitsinerni meeqqat 18-it inorlugit ukioqarpat najugaqatigalutillu, meeraq pilersortussaatitaaffigisat qaammatit qulingiluat pillugit maleruagassaq naammassisimanngikkaluarpaguluunniit, ukiumoortumik feeriarnissamut akiliunneqarluni siumut utimullu angalanermut ilaasinnaavoq. Nammineq meeqqatit meeravissiarisatilluunniit ukiumoortumik feeriarnissamut akiliunneqarluni angalanermut nassarsinnaavatit.

Ukiumoortumik feeriarnissamut akiliunneqarluni angalaneq tassaavoq angalaneq akeqanngitsoq.

Qarasaasiaq atorlugu meeqqap akeqanngitsumik angalanissaa qinnuteqaatigissagukku nassiullugulu toortagaq sungaartoq imminut sullinnermut atugassaq ”Maana qinnuteqarit” tooruk taanna quppernermi qullasissumiippoq. Imminut sullinnissamut aaqqiissut taanna atulerukku, MitID pigisat atorlugu iserasuassaatit.

Qinnuteqaatinni ilanngussat makku kakkiutissavatit:

• Registerindsigtimit tigulaagaq www.registerindsigt.cpr.dk
• Danmarkimi qinnuteqaruit ilinniartuuneq pillugu uppernarsaat

Toortagaq sungaartoq "Maana qinnuteqarit" toorlugu digitalimik imminut sullinneq aallartissavat.

Malugiuk:
MitID atorlugu iserasuarlutit qinnuteqaatit digitalinngorlugu nassiussinnaavat.

Akiliunneqarluni angalanissamut qinnuteqarniaruit qinnuteqarnissamut immersugassaq immersussavat.
Toortagaq sungaartoq ”Maana qinnuteqarit” aqqutigalugu makku periarfissaraatit:

• Immersugassaq interntsikkut immersorusukkukku anillatsillugulu ”immersoruk anillatsillugulu” toqqarsinnaavat (MitID pisariaqanngilaq)
• Immersugassaq anillatsinniarukku assannillu immersorlugu ”Anillatsigut” toqqassavat (MitID pisariaqanngilaq).

Immersugassaq immersoreerukku ilinniarfigisannut tunniutissavat, ilinniarfigisat illoqarfimmi allamiippat, immersugassaq immersugaq Majoriamut tunniussinnaavat.

Qinnuteqaatinni makku ilanngussatut ilanngutissavatit:

• Registerindsigtimit tigulaagaq www.registerindsigt.cpr.dk
• Danmarkimi qinnuteqaruit ilinniartuuneq pillugu uppernarsaat

Illit (ilinniartoq) akiliunneqarluni angalanissamut qinnuteqarsimaguit, ilinniarfigisavit qinnuteqaat tigussavaa qinnuteqaatillu pillugu aalajangiissallutik.

Akuersinermi
Qinnuteqaatit akuerineqarpat, illit (ilinniartoq) tapiissutisinissamut nassuiaammik tigusaqassaatit.
Tapiissutisinissamut nassuiaat tigugukku, illit (ilinniartoq) nammineerlutit angalatitsivigissat aqqutigalugu inniminniissaatit, taassumalu billetsissat inniminnissavaa.
Ilinniarfigisavit billetsissat akuerippagu, illit (ilinniartoq) billetsissat angalanissamullu pilersaarut tigussavatit assingilu ilinniarfigisannut nassiunneqassalluni.

Itigartitsinermi
Qinnuteqaatit itigartinneqarsimappat, illit (ilinniartoq) naammagittaalliuteqarnissamut ilitsersuutitalimmik allagarsissaatit.

"Suliap suliarineqarnera pillugu nassuiaat" una toorlugu aasinnaavat

Ukiumoortumik akiliunneqarluni angalanissamut qaqugukkulluunnit qinnuteqarsinnaavutit.

Qinnuteqaatinnut atatillugu ilinniarfigisavit aalajangiissutaa pillugu naammagittaalliorsinnaavutit.

Naammagittaalliuteqarniaruit, aalajangiinerup kingorna sap. akunneri arfinillit qaanigutsinnagit naammagittaalliut nassiutissavat.
Naammagittaalliut mailimut uunga nassiutissavat: IKIN@nanoq.gl

Naammagittaalliutinni imaaliussaatit:

• Aalajangiineq pillugu naammagittaalliutinnut pissutaasoq allassavat
• Allagaatit attuumassuteqartut ilanngutissavatit, soorlu itigartitsinermut allagaq