Meeqqap akeqanngitsumik angalanissaanut qinnuteqaat

Akeqanngitsumik angalaneq immikkut tapiineruvoq, taannalu ilinniagaqarnersiuteqaruit qinnuteqaatigisussaavat:

Akeqanngitsumik angalanerit assigiinngitsut ukuupput:

• Ilinniarluni aallartinnermi aamma ilinniakkap naammassinerani
• Ilinniakkamik unitsitsineq imaluunniit iliniakkanik unitsitsigallarneq
• Ukiumut ataasiarluni atuanngiffeqarnermi angalaneq aamma/imaluunniit juullisioriarneq
• Ernisimalluni sulinngiffeqarneq
• Ilinniakkamut atatillugu angalaneq
• Qanigisanik peruluttoorneq toqusoornerlu

Ilinniartutut piumasaqaatit naammassisimagukkit akeqanngitsumik angalanernut assigiinngitsunut pisinnaatitaaffeqarputit.

Meeqqamut akeqanngitsumik angalaneq illit ilinniarnerpit aallartinnerani, unitsinnerani kiisalu ilinniarnerup unitsikkallarnerani naammassineqarneranilu qinnuteqaatigisinnaasat.

Meeqqap akeqanngitsumik angalanissaa qinnuteqaatigissagukku ima iliussaatit:

• 18-it inorlugit ukioqassaaq
• Ilinni najugaqassaaq (ilinniagaqartoq)
• Illit (ilinniagaqartoq) meerarissavat, imaluunniit meeravissiartaarisimassavat, imaluunniit aapparisap ilinniagaqartup meerarissavaa

Piumasaqaatit allat:

• Aapparisaq taassumalu meerai akeqanngitsumik angalassappata ukioq ataaseq najugaqatigeereersimassaasi
• Ilinniarneq imaluunniit ilinniarfimmiinneq qaammatit qulit sinnerlugit sivisussuseqarpat
• Ilaqutariittut inissiami  naapertuuttumi inissiisoqarnera uppernarsaasoqarsinnaappat

Malugiuk:
Illit (Ilinniagaqartup) aapparisaa angalanissamut akuerineqarsinnaavoq akeqanngitsumik angalanermut meeqqat akuerineqarsimatillugit.  
Qaammatit qulit inorlugit ilinniagaqarfinniissagaanni meeqqat angalanissamut ilaanissaat akuerineqarsimappat aappaasoq akuerineqarsinnaanngilaq.

Ilinniarnerup aallartinnerani, unitsinneqarallarnerani, imaluunniit naammassineqarnerani  meeqqap akeqanngitsumik angalanera ilinniagaqartumut akeqanngilaq.

Qarasaasiaq atorlugu meeqqap akeqanngitsumik angalanissaa qinnuteqaatigissagukku nassiullugulu "toortagaq sungaartoq imminut sullinnermut atugassaq tooruk" ”Uani qinnuteqarit” taanna quppernerup aallartinneraneereerpoq. Nammineerluni immersuiffissamut aaqqiissutissaq atorniarukku nammineerlutit MitID-risat atorlugu qarasaasiamut isissaatit.

Qinnuteqaatinni ilanngussassat makku uppernarsatitut ilanngutissavatit:

• Najugaqarnermut uppernarsaat
• Meeqqap/meeqqat kuisinnermut allagartaat imaluunniit inuit allattorsimaffiani allasimaneranut uppernarsaat
• Meeraq meeravissiaappat meeravissiartaarnermut uppernarsaat

 

Meeqqap akeqanngitsumik angalanissaanut qinnuteqaateqassaguit ilinniagaqarfissat attavigissavat.

Qinnuteqaatinni ilanngussassat makku uppernarsaatitut ilanngutissavatit:

• Najugaqarnermut uppernarsaat
• Meeqqap/meeqqat kuisinnermut allagartaat imaluunniit inuit allattorsimaffiani allasimaneranut uppernarsaat
• Meeraq meeravissiaappat meeravissiaaneranut uppernarsaat

Illit (ilinniagaqartoq) meeqqap akeqanngitsumik angalanissaanik qinnuteqaateqareeruit ilinniagaqarfiit tassaassaaq qinnuteqaatinnik suliarinnittoq qinnuteqaatillu pillugu aalajangiisussaq.

Akuersissuteqarfigineqarnermi:

Qinnuteqaatit akuerineqassappat illit (ilinniagaqartoq) akuersissutip allaqqaneranik tigusaqassaatit.

Akuersissut tigugukku (ilinniagaqartoq) nammineerlutit angalatitseqatigiiffimmut inniminniissaatit, taassumalu bilitsissat suliarissavaa.

Ilinniagaqarfissavit meeqqavit billitsissaa akueriguniuk illit (ilinniagaqartoq) billitsimik angalanermullu pilersaarummik tigusaqassaatit assilinera ilinniarfissannut tunniunneqarluni.

Itigartitaanermi

Qinnuteqaatit itigartitsissutigineqarpat (ilinniagaqartoq) allagarsissaasit naammagittaalliorsinnaanermut ilitsersuut ilanngullugu.

Meeraq ilaanngitsuussagaluarpat, pisussaavutit tamanna nalunaarutigissallugu.

Ilinniakkap unitsinneqarnerani imaluunniit naammassinerani meeqqap billitsissaa inniminnissagaanni kingusinnerpaamik ilinniakkap unitsinneqarneranit/ naammassineqarneranit tamanna pissaaq.

Ilinniagaqarfippit qinnuteqaaternut aalajangiinera pillugu naammagittaalliornissamik pisinnaatitaaffeqarputit.

Naammagittaalliuummik nassiussissaguit tamanna pissaaq aalajangiinerup tiguneqarneranit sapaatit akunneri arfinillit qaangiutsinnagit.

Naammagittaalliuut mail atorlugu nasssiussinnaavat IKIN@nanoq.gl

Naammagittaalliuutinni ima isiussaatit:

• Naammagittaalliornermut tunngavigisatit allakkit
• Uppernarsaatitut ilanngussassat ilanngutikkit, assersuutigalugu itigartitsilluni allagaq