Kalaallit Nunaanni ilinniarnertuunngorniarnermi takussutissiaq

Ilinniarnertuunngorniarfimmut qinnuteqarnissat kissaatigigukku, qarasaasiaq atorlugu internetikkut linki qulaaniittoq atorlugu isumagineqassaaq. Immikkut ittumik pisoqartillugu sumiiffinni Majoriami pappilissamik qinnuteqaammik tunineqarsinnaavutit.

Ilinniarnertuunngorniarluni ilinniartitaaneq (GUX), tassaavoq inuusuttunut ilinniartitaaneq atuagarsorfiusoq. Ilinniarneq Aasianni, Sisimiuni, Nuummi Qaqortumilu ingerlanneqarsinnaavoq. Aamma GUX Islandimi Danmarkimilu NGK aqqutigalugu ingerlassinnaavat. GUX aamma eGUX aqqutigalugu alimasissumik ilinniartitsinermik periarfissaqarpoq. GUX ilinniakkatigut sammivinnik assigiinngitsunik illit soqutigisannut, ilinniaqqinnissannullu angorusutannut tulluarsakkanik arlalinnik neqerooruteqarpoq.

Ilinniarnertuunngorniarfimmi, GUX, ukiuni pingasuni aamma ukiuni marlunni kiisalu atuartitsissutini ataasiakkaani ilassutitullu atuartitsissutinik ilinniartoqarsinnaavoq. Atuarfiit, ilinniakkatigut sammiviit periarfissallu pillugit takussutissiaq tulliuttumi takuneqarsinnaavoq.

Ilinniakkatigut sammiviit assigiinngitsut aamma ilinniartitsissutit sorliit ilinniartitsissutigineqartarnersut uani takusinnaavatit.

Tamatigoortumik sammiveqarluni ilinniarneq
Tamatigoortumik sammiveqarluni ilinniarneq Nuummi, Sisimiuni, Qaqortumi Aasiaanniluilinniarfigineqarsinnaavoq.
Sammivik tamatigoortoq sammivimmik nutaaliornermik imaluunniit sammivimmik inuiaqatigiilerinermik ataqatigiissinneqarsinnaavoq. 
Atuartitsissutigineqartartut nalinginnaasut tassaapput Matematikki aamma tuluttut. Timersorneq, nipilersorneq, assilialiorluni eqqumiitsuliorneq, tusagassiuutilerineq imaluunniit isiginnaartitsineq aamma toqqarneqarsinnaasut ilagaat..

Niuerneq aningaasaqarnerlu
Ilinniakkatigut sammivik Niuerneq aningaasaqarnerlu aamma ilinniakkatigut sammivik TNI Qaqortumi ilinniarneqarsinnaavoq.
Atuartitsissutigineqartartut nalinginnaasut tassaapput suliffeqarfiit aningaasaqarnerat, tuniniaaneq aamma nunat tamat akornanni aningaasaqarneq.

Nutaanik pilersitsisinnaanermik sammiveqarluni ilinniarneq
Nutaanik pilersitsisinnaanermik sammiveqarluni ilinniarneq Nuummi Aasiannilu ilinniarneqarsinnaavoq.
Nutaanik pilersitsisinnaanermik sammiveqarluni ilinniarneq tamatigoortumik sammiveqarluni ilinniarnermik ataatsimoortinneqarsinnaavoq.
Atuartitsissutigineqartartut nalinginnaasut toqqarneqarsinnaasut tassaapput timersorneq, nipilersorneq, assilialiorluni eqqumiitsuliorneq, tusagassiutilerineq imaluunniit isiginnaartitsineq.

Pinngortitalerinermik sammiveqarluni ilinniarneq
Pinngortitalerinermik sammiveqarluni ilinniarneq Nuummi, Qaqortumi aamma Aasiaanni ilinniarneqarsinnaavoq.
Atuartitsissutigineqartartut nalinginnaasut tassaapput matematikki aamma ilinniartitsissutigineqartut allat pingasut: uumassusilerineq, nunalerineq, kemi aamma fysik.

Inuiaqatigiilerinermik sammiveqarluni ilinniarneq
Inuiaqatigiilerinermik sammiveqarluni ilinniarneq Nuummi ilinniarneqarsinnaavoq.
Atuartitsissutigineqartartut nalinginnaasut tassaapput inuiaqatigiilerineq, oqaluttuarisaaneq, upperisarsiorneq aamma filosofi imaluunniit psykologi

Oqaatsit piorsarsimassuserlu
Oqaasilerinermik sammiveqarluni ilinniarneq Nuummi, Qaqortumi, Sisimiuni aamma Aasiaanni ilinniarneqarsinnaavoq.
Nutaanik pilersitsisinnaanermik sammiveqarluni ilinniarnermik aamma inuiaqatigiilerinermik sammiveqarluni ilinniarnermik ataatsimoortinneqarsinnaavoq.
Atuartitsissutigineqartartut nalinginnaasut tassaapput tuluttoorneq, inulerinermut tunngasut kiisalu toqqagassat timersorneq, nipilersorneq, assilialiorluni eqqumiitsuliorneq, tusagassiutilerineq imaluunniit isiginnaartitsineq.

Teknikkikkut qarasaasialerinermillu tunngasunik sammiveqarluni ilinniarneq
Teknikkikkut qarasaasialerinermillu tunngasunik sammiveqarluni ilinniarneq Sisimiuni ilinniarneqarsinnaavoq
Atuartitsissutigineqartartut nalinginnaasut tassaapput kalaallisoorneq, qallunaatoorneq, tuluttoorneq, matematikki, science, kulturilerineq, timersorneq, ilinniariaaseq, inuiaqatigiilerineq, Kommunikation & IT, Programmering aamma Arktisk teknologi.

Teknikkikkut pinngortitalerinermi ilinniarnermi sammivik
Teknikkikkut pinngortitalerinermi ilinniarnermi sammivik Sisimiuni illinniarneqarsinnaavoq assigiinngitsunillu qitiutitaqarput: Sanaartorneq & Nukissiuutit, Pinngortitaq & Avatangiisit kiisalu Ujarassiorneq & Aatsitassat.
Atuartitsissutigineqartartut nalinginnaasut tassaapput Matematikki, Teknikkikkut atuartitsissut aamma atuartitsissutini ikinnerpaamik marluk: uumassusilerineq, nunalerineq, kemi aamma fysik.

Immikkut ilinniarnermi sammiviit E-GUX aamma Atlantikup Avannaani Ilinniarnertuunngorniarfimmit ungasissumit ilinniartitsinerupput, Kalaallit Nunaat, Island, Savalimmiut Danmarkillu akornanni atuartitsinermik neqerooruteqartuusoq.

Atlantikup Avannaani Ilinniarnertuunngorniarfik (NGK)

E-GUX
E-GUX-imi ilinniarnermik sammiviit Science imaluunniit Kulturi i ukiuni marlunni pingasuniluunniit sivisussuseqartumik ilinniarneqarsinnaavoq. Inersimasunuttaaq ukiuni marlunni ingerlanneqarsinnaasumik peqarpoq. Qinnuteqaateqarnermi iserfissami ukiut marluk ingerlanneqarsinnaasoq toqqarneqassaaq kisianni ilinniarfimmi sivitsorneqarnissaa kissaatigineqartuaannarsinnaavoq.

E-GUX-imittaaq ilinniartitaanertut ilinniagassatut ataasiakkaatut tapertaliussatulluunniit ilinniarsinnaavutit.

Qinnuteqarnermi periuseq nalornissutigiviuk imaluunniit annertunerusumik ilitsersorneqarnissamik pisariaqartitsivit, taava uani internettikkut ilitsersuisarneq attavigiuk.
Danmarkimi efterskolit pillugit paasissutissat amerlanerusut uani takusinnaavatit.
Ilinniarnertuunngorniarnermut akuerineqarnissamut qinnuteqarniaraanni linki una atorlugu qinnuteqassaatit. Eqqaamajuk ilinnialernissamut piumasaqaatit aamma una linki atorlugu atuassagakkit.