Paasissutissat
- Sivisussuseq: Ukuit 3
- Qinnuteqarfissamut killerititaq: 1 septembari
- Ilinniagaqalernissamut piumasaqaat (qaffasissuseq): Meeqqat atuarfiat
- Sumiiffik: Aasiaat
- Aningaasaqarneq: Ilinniagaqarnersiutit
- Atuartitsinermi oqaatsit: Kalaallisut danskisullu
GUX sunaava?
Ilinniarnertuunngorniarfik, GUX, inuusuttunut ilinnigaqaqqinnissaminnut piareersarluni atuagarsorluni ilinniarfiuvoq. GUX Aasianni, Sisimiuni, Nuummi Qaqortumilu kiisalu internetsikkut neqeroorutaavoq.
Ilinniarnertuunngorniarfimmi, GUX, ukiuni pingasuni aamma ukiuni marlunni kiisalu atuartitsissutini ataasiakkaani ilassutitullu atuartitsissutinik ilinniartoqarsinnaavoq.
Sooq GUX qinissaviuk?
GUX ilinniakkatigut sammivinnik assigiinngitsunik illit soqutigisannut, ilinniaqqinnissannullu angorusutannut tulluarsakkanik arlalinnik neqerooruteqarpoq.
Soqutiginartumik ilinniagaqarnissaq ineriartornermut aqqutissaavoq: Taanna ilinniarsimagukku suliffissartaarnissannut periarfissaqarnerujussuussaatit. Suliffiit amerliartortut piumasarisarpaat ilinniagaqarsimanissaq.
Aningaasarsiaqarnerunissannut periarfissaqarnerulissaatit: Suliassatigut kisianni aamma inuttut annertuumik ineriartussaatit.
Ilinniakkap sammivia sunaava?
Ilinniakkap sammivia aalajangersimasumik sammisamik ilinniagaqarusukkuit ilinnut naleqquttuuvoq. Assersuutigalugu ilinniakkap sammivissaa qinersinnaavat
ilinniartitsissutit nutaaliorfiusut amerlasuunik ilallit, soorlu nipilersornermik, assilialiornermillu.
Ilinniagassat qaffasissusii
Ilinniartitsissutit assigiinngitsunik qaffasissusillit neqeroorutigineqartarput, A-tut, B-tut aamma C-tut. Ilinniakkat A-t qaffasinnerpaajupput, C-miittullu appasinnerpaajullutik.
GUX-S ilinniarnertuunngorniarneq ilinniagaavoq, ilinniartunut immikkut pisariaqartitsisunut immikkut aaqqissuussilluni ilinniarnertuunngorniarnermik ingerlatsiffiusoq. Tassani ilinniartut innarluutillit imaluunniit akornutaat suussusilerneqarsimasut, nalinginnaasumik ingerlatsillutik ilinniarnertuunngorsinnaanngitsut pineqarput. Ilinniarnertuunngorniarfinni sisamaasuni tamani GUX-S ingerlanneqarsinnaavoq.
GUX-S-mut akueritissagaanni uppernarsaammik innarluutivit suussusaannik, assersuutigalugu autismeqartunut (ASF) imaluunniit ADHD-qartunut ilanngussissaatit. Qinnuteqaat najukkanni Majoriamut nassiunneqassaaq.
Kalaallisoorneq A
Qallunaatoorneq A
Tuluttoorneq B
Matematiki C
Inuiaaqatigilerineq C
Namminerisami ilinniarnermi suliassaq
Fagi qinigassaq
GUX-S-mut akueritissagaanni uppernarsaammik innarluutivit suussusaannik, assersuutigalugu autismeqartunut (ASF) imaluunniit ADHD-qartunut ilanngussissaatit.
Ilinniarnertuunngorniarfiup siullertut qinersimasavit qinnuteqaatit makku aqqutigalugit nalilersussavai:
• Inatsisitigut piumasaqaatit
• immikkut akuersissut
• Ilinnialernissamut misilitsinneq
Inatsisitigut piumasaqaatit qanoq isumaqarpat?
Tulliuttut naammassisimagukkit inatsisitigut piumasaqaat naapertorlugu tigusaasinnaavutit. Tassa ima isumaqarpoq tigutinnissat qulakkeerneqartoq:
• suliniummik suliaqarnermi minnerpaamik E-mik karaktereqassasutit
• meeqqat atuarfianni 10. klassimi soraarummeernermi angusani tamani minnerpaamik E-mik karaktereqassasutit
• meeqqat atuarfianni pinngitsoorani naggataarutaasumik misilitsinninni tunngaviusumik karakterinni tamani minnerpaamik E-mik pissarsisimassasutit
Inatsisitigut piumasaqaatinut immikkut akuersissut sunaava?
Kalaallisut, danskisut, tuluttut matematikimilu inaarutaasumik soraarummeerutini pitsaasunik angusaqarsimavutit, kisiannili inaarutaasumik soraarummeerummi ataatsimi marlunniluunniit ANGUSINNGITSOORSIMALLUTIT. Taamatut pisoqarnerani rektorip, naak inatsisitigut piumasaqaatinik naammassinngikkaluartutit tiguneqarnissat IMMIKKUT AKUERSISSUTIGISINNAAVAA. Ilinniarnertuunngorniarfik inatsisitigut piumasaqaatinut immikkut ittumik akuersissuteqassappat inuttut suliatigulluunniit tunngavilersuutinik ilanngussissaatit.
Ilinniartunngornissamut misilitsinneq sunaava?
Ilinniartunngornissamut misilitsinneq apriilip qaammataani ingerlanneqartarput, atuartitsissutini arlalinni tassa kalaallisut, danskisut, tuluttut, matematikimi, pinngortitalerinermi, inuiaqatigiilerinermilu misilitsinnerupput. Misilitsinneq akunnermik ataatsimik sivisussuseqarpoq. Ilinniartunngornissamut misilitsinneq meeqqat atuarfiannik naammassereernerup kingorna siusinnerpaamik upernaakkut tiguneqarsinnaavoq. Ilinniartunngornissamut misilitsinnerit Majoriami, nunaqarfiit atuarfianni, Danmarkimiillu qinnuteqartunut Kalaallit Illuutaanni ingerlanneqartarput. Ilinniartunngornissamut misilitsinnernik angusisimallutik qinnuteqaateqartut, akueritinnissamut qulakkeerneqarsinnaanngillat, kisiannili atuarfinni inissaqarnersoq apeqqutaalluni tigutittoqartarpoq.
Qinnuteqaat najukkanni Majoriamut nassiunneqassaaq.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniartitsineq qaammammi augustimi aallartissaaq
Neqeroortoq
GUX Aasiaat
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit
Suliffimmik misiliinermi pissutsit
Suliffimmik misiliissanngilatit
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.
Siunissami periarfissat/Suliffiusinnaasut
Ilinniakkavit ilinniaqqinissannut ilinniagassanut qaffasinnerusunut periarfissiissaaq
Ilinniarnermik aaqqissuussineq
PDF PJECEN KAL
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.
- Karakteeriliisarnermi tulleriinnilersuineq allatullu naliliisarneq pillugit Namminersornerullutik Oqartussat nalunaarutaat (Karakteeriliisarnermi tulleriinnilersuineq allatullu naliliisarneq pillugit Namminersornerullutik Oqartussat nalunaarutaat )
- Ilinniarnertuunngorniartarneq pillugu Inatsisartut inatsisaat (Ilinniarnertuunngorniartarneq pillugu Inatsisartut inatsisaat)
- Ilinniarnertuunngorniarfinni ilinniarnermut ileqqorissaarnermullu malittarisassat pillugit Namminersorlutik Oqartussat nalunaarutaat (Ilinniarnertuunngorniarfinni ilinniarnermut ileqqorissaarnermullu malittarisassat pillugit Namminersorlutik Oqartussat nalunaarutaat)
- Ilinniarnertuunngorniarneq pillugu Inatsisartut inatsisaata allanngortinnera pillugu Inatsisartut inatsisaat (ilinniarnertuunngorniarfimmi ilinniartitsissutinik ataasiakkaanik ilinniartitsineq, ilinniarnissamut piareersarluni pikkorissarnerit, ilinniartitsissutinut minnerpaamik piumasaqaatit il.il.) (Ilinniarnertuunngorniarneq pillugu Inatsisartut inatsisaata allanngortinnera pillugu Inatsisartut inatsisaat (ilinniarnertuunngorniarfimmi ilinniartitsissutinik ataasiakkaanik ilinniartitsineq, ilinniarnissamut piareersarluni pikkorissarnerit, ilinniartitsissutinut minnerpaamik piumasaqaatit il.il.))
- Ilinniarnertuunngorniartarneq pillugu Inatsisartut inatsisaata allanngortinnera pillugu Inatsisartut inatsisaat (Atorfinitsitsinermut soraarsitsinermullu pisinnaatitsinerit) (Ilinniarnertuunngorniartarneq pillugu Inatsisartut inatsisaata allanngortinnera pillugu Inatsisartut inatsisaat (Atorfinitsitsinermut soraarsitsinermullu pisinnaatitsinerit))
- Ilinniarnertuunngorniarfinni ilinniartitsinissamut piginnaaneqarneq pillugu Namminersorlutik Oqartussat nalunaarutaat (pædagogikum pillugu nalunaarut) (Ilinniarnertuunngorniarfinni ilinniartitsinissamut piginnaaneqarneq pillugu Namminersorlutik Oqartussat nalunaarutaat (pædagogikum pillugu nalunaarut))
- Ilinniarnertuunngorniarfimmi ilinniartitsissutit ataasiakkaat, ilassutitut ilinniarnerit imminullu ilinniartittarneq pillugit Namminersorlutik Oqartussat nalunaarutaat (Ilinniarnertuunngorniarfimmi ilinniartitsissutit ataasiakkaat, ilassutitut ilinniarnerit imminullu ilinniartittarneq pillugit Namminersorlutik Oqartussat nalunaarutaat)
- Ilinniagaqarnersiutit pillugit Namminersorlutik Oqartussat nalunaarutaat (Ilinniagaqarnersiutit pillugit Namminersorlutik Oqartussat nalunaarutaat)
- linniarnertuunngorniarneq pillugu Inatsisartut inatsisaat pillugu Namminersorlutik Oqartussat nalunaarutaat (linniarnertuunngorniarneq pillugu Inatsisartut inatsisaat pillugu Namminersorlutik Oqartussat nalunaarutaat)
- Ilinniarnertuunngorniarluni ilinniakkami naliliisarneq aamma uppernarsaasiisarneq pillugit Namminersorlutik Oqartussat nalunaarutaat (Ilinniarnertuunngorniarluni ilinniakkami naliliisarneq aamma uppernarsaasiisarneq pillugit Namminersorlutik Oqartussat nalunaarutaat)
- Ilinniarnertuunngorniarfimmi ilikkagassatut pilersaarutit pillugit Namminersorlutik Oqartussat nalunaarutaat (Ilinniarnertuunngorniarfimmi ilikkagassatut pilersaarutit pillugit Namminersorlutik Oqartussat nalunaarutaat)
- Ilinniarnertuunngorniarfimmi angusimasanik ilinniarnermut allamut nuussisarneq allatullu atuartitsinermut peqataannginnissaq pillugu Namminersorlutik Oqartussat nalunaarutaat (Ilinniarnertuunngorniarfimmi angusimasanik ilinniarnermut allamut nuussisarneq allatullu atuartitsinermut peqataannginnissaq pillugu Namminersorlutik Oqartussat nalunaarutaat)
- Ilinniarnertuunngorniartunik ilinniartunngortitsisarneq pillugu Namminersorlutik Oqartussat nalunaarutaat (Ilinniarnertuunngorniartunik ilinniartunngortitsisarneq pillugu Namminersorlutik Oqartussat nalunaarutaat)