eGENK – Ilinniarnertuunngorniarfimmi atuartitsissut ataaseq

GUX sunaava?
Ilinniarnertuunngorniarfik, GUX, inuusuttunut ilinnigaqaqqinnissaminnut piareersarluni atuagarsorluni ilinniarfiuvoq. GUX Aasianni, Sisimiuni, Nuummi Qaqortumilu kiisalu internetsikkut neqeroorutaavoq.

Ilinniarnertuunngorniarfimmi, GUX, ukiuni pingasuni aamma ukiuni marlunni kiisalu atuartitsissutini ataasiakkaani ilassutitullu atuartitsissutinik ilinniartoqarsinnaavoq.

Sooq GUX qinissaviuk?
GUX ilinniakkatigut sammivinnik assigiinngitsunik illit soqutigisannut, ilinniaqqinnissannullu angorusutannut tulluarsakkanik arlalinnik neqerooruteqarpoq.
Soqutiginartumik ilinniagaqarnissaq ineriartornermut aqqutissaavoq: Taanna ilinniarsimagukku suliffissartaarnissannut periarfissaqarnerujussuussaatit. Suliffiit amerliartortut piumasarisarpaat ilinniagaqarsimanissaq.
Aningaasarsiaqarnerunissannut periarfissaqarnerulissaatit: Suliassatigut kisianni aamma inuttut annertuumik ineriartussaatit.

Ilinniakkap sammivia sunaava?
Ilinniakkap sammivia aalajangersimasumik sammisamik ilinniagaqarusukkuit ilinnut naleqquttuuvoq. Assersuutigalugu ilinniakkap sammivissaa qinersinnaavat
ilinniartitsissutit nutaaliorfiusut amerlasuunik ilallit, soorlu nipilersornermik, assilialiornermillu.

Ilinniagassat qaffasissusii
Ilinniartitsissutit assigiinngitsunik qaffasissusillit neqeroorutigineqartarput, A-tut, B-tut aamma C-tut. Ilinniakkat A-t qaffasinnerpaajupput, C-miittullu appasinnerpaajullutik.

Taanna ilinnuuvoq ilinniarnertuutut ilinniarsimanngitsumut, kisiannili ilinniarnertuunngorniarfimmi atuartitsissummik ataatsimik arlalinnilluunniit misileerusuttumut. Atuartitsineq soraarummeernerlu internetikkut ingerlanneqarpoq. Tassunga ilaanngillat atuartitsissutit kemi C aamma uumassusililerineq B, ukiap ingerlanerani GUX Sisimiuni sapaatip akunnerani najugaqarnissamik pisariaqartitsisut. Atuartitsissutit amerlanerit ukiumi ataatsimi atuartitsissutitut neqeroorutigineqarput, minillugit atuartitsissut kalaallit oqaasii, Matematik B aamma Inuiaqatigiilerineq B minillugit, ukiuni marlunni ingerlanneqartussaammata. Ilinniartitsissutit makku neqeroorutaapput: Dansk A, Kalaallit oqaasii A, Tuluit oqaasii C aamma B, Mate-matik C aamma B, Kemi C, Uumassusililerineq B, Upperisarsiorneq C, Kulturilerineq C, Nunalerineq C, Inuiaqatigiilerineq C aamma B aamma Psykologi C.

Amerlanertigut pingasunik immaqaluunniit sisamanik fag-inik ingerlataqartariaqassaatit ilinniagaqarnersiuteqassaguit, apeqqutaallunili fag-i suna toqqarneqarnersoq, taamaammat ilaannikkut fag-it sisamanit amerlaneroratartarput.
Paasisaqarnerorusukkuit egux.gl misissoruk

Ilinniartitsissutinik ataasiakkaanut ilassutitullu ilinniagassanut qinnuteqarnissamut piumasaqaatit qinnuteqarfiup nalaani Kalaallit Nunaanni najugaqavissunut tamanut atuupput. Immikkulli ittunik pisoqartillugu soorlu qinnuteqartoq siornatigut Kalaallit Nunaanni najugaqavissimalluni Kalaallit Nunaata avataaniinnera Kalaallit Nunaanni oqartussaasut peqataaffigisaannik isumagineqarnermik imaluunniit ilinniarnermik peqquteqarpat.

Ilinniartitsissutinut ataasiakkaanut tigusaanissamut ilinniartup ilinniakkap qaffasissusaanit appasinnerulaartoq naammassisimassavaa imal. ingerlallugu. Tamatuma saniatigut ilinniartoq minnerpaamik ukiumi atuarfiusumi ilinniartitsissummi piffissamik tamakkiisumik atuilluni ilinniarnermut tigusaasimassaaq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
GUX Sisimiut + ONLINE

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.

Siunissami periarfissat/Suliffiusinnaasut
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
PDF PJECEN KAL

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.