Ilinniartut ineqarfiisa allaffeqarfiat - KAF

Illoqarfinni tamani ilinniarfeqarfiusuni kollegiaqartiterpoq. Kollegiat tamakkua ilinniagaqarnersiuteqarfimmit toqqaannartumik aqunneqarput.

Nuummi kollegiat Ilinniartut ineqarfiisa allaffeqarfiannit ataatsimut aqunneqarput, Qeqqani Ilinniarnertuunngorniarfiit kisiisa pinnagit.

Kollegiat allat kollegianik aqutsisunit allanit kollegianik aqutsisunit toqqartorneqartumik aqunneqarput. Ilinniartut ineqarfiisa allaffianni aqutsisut tassaasinnaapput aqutsisut imaluunniit ilinniarfinni kollegiani inissiat attuumassuteqarfigisaanni sulisut.

Kollegiat allat KAF-imiit aqunneqanngitsut ilinniartoqarfinniit aqunneqakkajupput, attavissat uani takusinnaavatit.

Ilinniagaqarniaruit / atuariartorniaruit imaluunniit Nuummi suliffimmi sungiusartussaaguit taava KAF-imi kollegiani inissannik qinnuteqaateqassaatit. Tamanna inuussutissarsiutini ilinniakkanut aamma ilinniagaqaqqinnernut atuuppoq.

Ilinniarfiginiakkannit imaluunniit qitiusumik atuarfinnit atuarfimmit aggeqqusissummik tigusaqaruit aatsaat kollegiani inissamik qinnuteqaateqarsinnaavutit.

Ilinniarfigiligassanni atuarfigilissaganniluunniit piffissami Nuummiinnissanni kollegiani ineeqqamik tunineqarsimaninnut uppernarsaammik saqqummiisinnaasariaqarputit, aatsaallu taamaalioreeruit atuarfimmit assersuutigalugu angalanissat akuerineqarsinnaavoq.
Ilinniagaqarniartut avataaneersut Namminersorlutik Oqartussat kollegiani inissiaataannut tunngatillugu pingaartinneqarput. Taamaalillutik ilinniartut ilinniakkaminnik sivikinnerpaamik ukiunik marlunnik sioqqutsillutik illoqarfiup ilinniarfiusup avataani inuit nalunaarsorneqartarfiannit adresseqareersimasunut atuuttutut paasineqassaaq.

KAF-imi ineqarnermut akiliutinik kinguaattoqassaguit akiligassatit akileqqaartinnagit kollegiani ineeqqamik tunineqarunnanngilatit. KAF-imut akiligassat kinguaattoorutit malitsigisaannik ilinniarfigisat aqqutigalugu inissiamik qinnuteqaateqartariaqassaatit imaluunniit kommunimut angerlarsimaffigisannut utimut bilitsisisariaqassaatit.

Nuummut tikitsinnak kollegiani ineeqqamik tunineqarsimanissat qulakkeeruk. Inissiamik tunineqarsimanak tikikkuit sumiiffissaqassanngilatit.

Ilaquttat nooqatigisimasassatillu kollegiani inissiamik tunineqarsimanissat Nuummu tikitsinnak aamma qulakkiissavat. Ilinniartuullutit illoqarfimmiinninni qitornavit inooqatigisavilluunniit ilaginissaannut inissaqarnissarsi KAF-imit neriorsuutigineqarsinnaanngilaq.

Tikinnermi ingerlaannaq KAF-imut ineeqqamut matuersaatinik aallertoqartassaaq.
Ilinniartut inissiassaminnik qulakkeerneqaqqaaratik tikittut KAF-imit akisussaaffigineqarsinnaanngitsut eqqumaffigeqqussavarput.

Malugiuk
Ilinniartut ineqarfiisa allaffeqarfiata ilinniartunut inissiamik qulakkeerneqaqqaaratik tikittunut akisussaaffeqanngilaq.

Inersimasumut qaammammut ineqarnermut akiliutit 850,00 koruuniupput.

Ineqarnermut akiliinngissinnaatitaaneq
Kalaallit Nunaanni ilinniagaqarnersiutit pillugit malittarisassanut ilaatinneqaruit, Kalaallit Nunaanni atuaruit suliffimmilluunniit sungiusaruit atuarnerit qaammatinit arfinilinnit sivikinneruppat aamma illit nammineerlutit inoquteqaruit ineqarnermut isumaqatigiissummi uppernarsarneqarsinnaasunik kollegiani inissiap akiata amerlaqataannik inissinneqarninnut aningaasartuutinut matussutissanik tunineqassaatit.

Illoqarfimmit angerlarsimaffigisannit allannginninni tamanna ilinniarfigisassannut qinnuteqaatigissavat.

Kollegiani ineeqqamik toqqaannartumik tunineqarsimasutit KAF-imit uppernarsaammik nassinneqassaatit.

Nuummut qaqugukkut tikinnissat KAF-imut nalunaarutigiuk, taava ineeraq iserterfigeriaannanngussaaq.
Akissutisinissamut nalinginnaasumik ullut arfineq-pingasuusarput.

Nuummut tikinneq
KAF-ip oqarasuaataata normua aamma pigaartup oqarasuaataata normua nassarnissaat tamatigut eqqaamasassavat.

Nuummi kollegiani pissutsit pillugit amerlanerusunik apeqqutissaqaruit KAF attaveqarfigisinnaavat.

Sivikinnerusumik sivisunerusumilluunniit Nuummiissaguit kollegiat inuunerpit ilarujussuarissavaat.

Aatsaavissuaq angerlarsimaffiit qimassimagukku suliassarpassuit paasiniartussaavatit immaqalu siornatigumut sanilliullugu imminut akisussaaffeqarnerulissaatit.

Kollegiani inuppassuit qanimut inooqatigissavatit. Tamanna ammasuunissamik, eqqarsaatiginninnissamik naammagittarnissamillu piumasaqaatitaqarpoq, akerlianik tamanna ilinnut pissarsiaqaataasorujussuussaaq.

Sulisut kollegiarmiullu suleqatigalugit kollegia piffissami najugaqarfiginissaa nuannersunngortissinnaavarsi.

Pequtit
Qaammatit qulit sinnerlugit Nuummiinniaruit kollegiami inissiaq aallaavittut pequteqassanngilaq.
Qaammatinit qulinit sivikinnerusumik Nuummiinniaruit kollegiami inissiaq pequteqassaaq.

Ataatsimut errorsisarfik
Errorsivinnik atuinernut akiliutit.
• Errorsineq ataaseq 10,00 koruuneqarpoq
• Panersaavimmik atuineq akeqanngilaq

Errorsivimmik atuinermi matuersaatit Salto atussavat. Taanna KAF-imiut saaffiginninnikkut pissarsiarissavat. Akiliinissannut kortit uku atorsinnaavatit: Akiliut, Dankort, Visakort & Mastercard.

Kollegiani ukunani ataatsimut errorsisarfeqarpoq:
• Jern- & Metalkollegiet
• Maskinistkollegiet
• Lærlingekollegiet
• Hotel Nuuk
• Kujallerpaat 13, 15 & 17A/B
• Qattaaq
• Qaamiut
• Julemærkekollegiet
• Ukiivik

Errorsissutit sinneri - Matuersaat Salto - utertinneqarsinnaanngillat.

Sillimmaserneq
KAF-ip sillimmataasa illit pigisannik tillittoqarnera ikuallannermiluunniit ajutoortoqarnera matussusersinnaanngikkaa ilinnut eqqumaffigeqquneqarpoq.

Illit nammineerlutit sillimmataateqaruit iluaqutaassaaq. Ilinniartuuninni angajoqqaavit sillimmataataanit matussuserneqarsinnaanerlutit misissorsinnaavat illilluunniit nammineerlutit sillimmasersinnaavutit.

Ulloq angerlarfissaq
Ullormi angerlarfissami ineeraq kingusinnerpaamik nal. 10.00 qimanneqareersimassaaq.

Nal. 16.00-ip kingorna KAF-imut attaveqarnissaq
Pigaartup mobilia nal. 16:00 kingorna - 55 77 90

Kollegiat uani takukkit

Kollegiani ileqqoreqqusat malittarisassallu takukkit

Maannakkut ilinniakkat unitsillugu Nuummit aallassavit? Imaluunniit kollegiani inissiamut allamut nuussavit? Taava immersuiffissaq una atussavat ’Inissisimaffimmik allannguineq´.

Immersuiffissaq immersussavat tamatumalu kingorna e-mailikkut uunga nassiullugu: kafadm@kaf.gl

Immersuiffissaq Inissisimaffimmik allannguineq

Kollegianut qinnuteqaat ilinniakkamik aallartitsinissaq sivikinnerpaamik sapaatit akunnerinik sisamanik sioqqullugu KAF-imut nassiunneqassaaq.

Aalajangiinerit aalajangernerup ulluaniit sapaatit akunneri 2 qaangiutsinnagit Ilinniartitaanermut, Kultureqarnermut Ilageeqarnermullu Naalakkersuisoqarfimmut naammagittaalliuutigineqarsinnaapput.