Ilinniagaq Digitaliseeriineq qarasaasialerinermilu ingerlatsineq

Digitalinngortitsisarneq aqqutigalugu suliffeqarfinnik aaqqissuussiffinnillu ikiuineq
Qarasaasialerinermik soqutigisaqarpit, immaqalu suliaqarnermi aqutsisutut, siunnersortitulluunniit eqqarsaateqarlutit? Taamaappat akademi-mi ilinniagaq digitalesering, qarasaasiamillu ingerlatsineq toqqassallugu periarfissaalluarpoq.

Akademi-mi ilinniagaq Digitaliseeriineq qarasaasialerinermilu ingerlatsinermi sooq ilinniartunngussavit?
Akademi-mi ilinniakkami Digitaliseeriineq, qarasaasialerinermilu ingerlatsinermi, paasinnilernissannut piorsarneqassaatit, qanoq qarasaasiap digitaliseeriinermi, pisariillisaanermi, ingerlaarfiit eqqarsaatigeqqinnerini, kiisalu suliffimmi suleriaatsigut atorneqartarneranik piareersarneqassallutit.

Suliffeqarfiullu sinaakkusersorneqarneranut, piumasaqaateqartitsineranullu isumannaatsumik qarasaasiakkut ingerlatsinermut peqataassaatit, cloud, kiffartuussinerillu atortinneqarnerat qitiutinneqassaaq.

Minnerunngitsumik suliffeqarfimmi sulianik immikkut ittunik suliani ilinniartinneqassaatit, ulluinnarni suliffeqarfiup atortuinik atuinermik ingerlatsinermi aammalu digitaliusumik sanaat, suliarineqarneranilu ineriartortinneqarnerani suleqataassaatit.

Sulinermi taagutit ukuusinnaapput: digitaliseeriinermi sulisoq, Qarasaasialerinermi sulisoq, digitaliseeriinermi ataqatigiissaarisoq imaluunniit siunnersorti.

Qanoq atuartitsineq ingerlasarpa?
Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Akademi-mi ilinniagaq Digitaliseeriineq qarasaasialerinermilu ingerlatsinermi ilinniartunngorniaraanni suut piumasaqaataappat?
Akademi-mi ilinniagaq Digitaliseeriineq qarasaasialerinermilu ingerlatsinermi ilinniartunngorniaruit, ilinniakkani tulliuttuni ataaseq naammassisimassavat:

• MERX II
• Ilinniarnertuunngorsimanissaq Niuernermi aningaasaqarnermilu imaluunniit assigisai.

Ilinnialernissamullu piumasaqaatit taaneqartut eqquutsissimangikkukkit, periarfissaqarputit piviusumik piginnaasanik nalilersuiffigineqarnissamik imaluunniit immikkut akuerineqarsinnaanissamik.

Takuuk ilinniakkap aaqqissuussaanera atuuttoq, annertunerusumik paasisaqarusukkuit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 5 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Sulinermi taagutit ukuusinnaapput: digitaliseeriinermi sulisoq, Qarasaasialerinermi sulisoq, digitaliseeriinermi ataqatigiissaarisoq imaluunniit siunnersorti.
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:
https://gbs.gl/wp-content/uploads/2024/01/Studieordning-AU-IT.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.