Ilinniagaq Nunat Tamalaat akornanni niuerneq pilerisaarinerlu

Najukkami aamma nunani tamalaani pilersitat tunineqassappata suut pisariaqartinneqarnersut ilinniakkit.
Niuernikkut pilerisaarinikkullu siunissamik pissanganartumik angusaqarusuppit? Taamaappat uani periarfissaqarputit takorluukkannik piviusunngortitsinissarnut, ilinniarnernilu ajornangitsumik nunat allat suleriaasiinut paasisimasaqarlualissaatit.

Nunat tamalaat akoranni niuerneq takoqqusaarusiornerlu pillugit akademi-mi ilinniakkami sooq ilinniarneqartarpat?
Akademi-mi Nunat Tamalaat akornanni, niuernermi pilerisaarinermilu atuarnermi ilinniassavatit, misissueqqissaarneq, pilersaarusiorneq, tuniseriaatsit, nittarsaassinermilu pisut assigiingitsorpassuit ingerlassinaanissai nunarsuarmi tamani tuniniaanermi. Piukkunnarsarneqassaatit nammineerlutit misissueqqissaarnissannut, pilersaarusiornissannut kiisalu naammassisaqarsinnanissarnut nunat tamalaat akornanni niuernerup pilerisaarinerullu iluani inerititaqarsinnaanermut, namminersortuni, pisortallu suliffeqarfiutaanni.
Ilinniareeruit taagutigisinnaasatit ukuupput, soorlu pilerisaanermi ataqatigiissaarisoq, tuniniaanermi siunnersorti, imaluunniit key account manager. Ilinniakkap suliffeqarfinni assigiingitsorpassuarni sulilernissannut periarfississavaatit, soorlu niuernikkut, nioqqutissiornermi, suliffeqarfinni sullissiviusuni Kalaallit Nunaanni aammalu nunarsuarmi sumiluunniit.

Ilinniagaq bachelor-imut ammassivoq, Nunat Tamalaat akornanni niuerneq, pilerisaarinerlu siunertaralugit. Aammattaaq ilinniagaq ammaassivoq diplom ilinniakkanut ingerlariaqqinnissamut.

Qanoq atuartitsineq ingerlasarpa?

Atuartitsineq ilinniartitsinernut assigiingitsunut aggugaavoq: Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.

Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Nunat tamalaat akornanni niuerneq takoqqusaarusiornerlu pillugit akademi-mi ilinniakkami, aamma atuartitsissutit tulliuttut ingerlattussaavatit: Takoqqusaarusiornermi periuseq aamma suliffeqarfimmik inerisaaneq, aaqqissuussaaneq, takoqqusaarusiornermik pilersaarusiorneq isumaqatiginninniarnerlu, inuussutissarsiutit aningaasarsiornerannut periuseq, inuussutissarsiornermut inatsisit aamma suliniut soraarummeerutissaq

Nunat tamalaat akornanni niuerneq takoqqusaarusiornerlu pillugit akademi-mi ilinniakkami ilinniartunngorniaraanni suut piumasaqaataappat?
Nunat tamalaat akornanni niuerneq takoqqusaarusiornerlu pillugit akademi-mi ilinniakkami ilinniartunngorniaraanni, ilinniakkat tulliuttut naammassisimassavatit:

• MERX II
• Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissaq imaluunnit immikkut akuerineqarnissaq pillugu qinnuteqarsinnaanermut periarfissaqarpoq.

Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik allatariasornermillu misilitsinnertaqarput, piviusumik aallaaveqarluni sammisamik suliaqarneq, allattariarsornikkullu inaarutaasumik militsinnertaqarluni.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 5 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.

Siunissami periarfissat / Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:

https://gbs.gl/wp-content/uploads/2024/01/Studieordning-AU-IHM.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.