Ilinniagaq Nunat Tamalaat akornanni assartuussineq ingerlaarfissanillu pilersaarusiornerit

Inuiaqatigiittut ingerlalluarnissatsinnut aamma nioqqutissat A-mit B-imut assartorneqartarnissaannut tunngavissiisunut ilaalerit.
Assartuussinerup ingerlaarfissanillu pilersaarusiornerup suliffigilissallugu pissanganartuutippiuk? Taamppat akademi-mi ilinniagaq Nunat Tamalaat akornanni assartuussineq, ingerlaarfissanillu pilersaarusiorneq ilinnut toqqassallugu tulluartuuvoq.

Nunat tamalaat akornanni assartuineq ataqatigiissarinerlu pillugit akademi-mi ilinniarnermi sooq ilinniartoqassava?
Akademi-mi ilinniakkap Nunat Tamalaat akornanni, assartuussinerup, ingerlaarfissanillu pilersaarusiornerit, sunniuteqarluartumik ilusilersorluakkamillu nioqqutissanik suliaqarsinnanissannik (suliareqqaarneraniik atugassanngorneranut) pissarsiaqartissavaatit. Suliarineqarneraniit, nassiussorneqarnerinut illoqarfiit nunaqarfiillu akornanni, Kalaallit Nunaanniik nunanullu allanut. Nunanut allanut atassuteqalernermi, isumalluutinillu aqutsinermi, akitsuuserinermilu maleruagassani, toqqaannartumillu suliaqarnermi annertuumik piginnaasaqalissaatit.

Taassuma saniatigut ilinniagaq marlunnut sammivilerneqarpoq.

• Angallassineq: angallasseriaatsinik,warehouse management, angallassinermilu inatsisinik itisiliigit.
• Pisineq: Pilersaarusiaqarluni pisinermut tunngatillugu, (uani pisiassat peqqumaatissallu annertusarneri) pillugit itisiliigit.

Ilinniakkat naammassigukku suliffigisinnaasatit makkuusinnaapput: pisiniarnermi ataqatigiissaarisoq, ingerlaarfissani pilersaarusiornermi ataqatigiissaarisoq, peqqumaasivinni sulisoq/aqutsisoq, nassiussalerisoq, misissueqqissaarinnittartoq, imaluunniit siunnersorti.

Ilinniagaq diplom-itut ingerlaqqinnissamut periarfissiivoq

Qanoq atuartitsineq ingerlasarpa?

Nunat tamalaat akornanni assartuineq ataqatigiissarinerlu pillugit akademi-mi ilinniarnermi, Kalaallit Nunaanni aamma Kalaallit Nunaata nunallu allat akornanni pilersuineq, tunisassiorneq siammarterinerlu pillugit ilinniassaatit. Atuartitsissutit tulliuttut ingerlatsissavatit: Ataqatigiissaarineq, nioqqutissat assartorneqartarnerinik aqutsineq, inuussutissarsiutit aningaasarsiornerannut periuseq, assartuinermut inatsisit (aallaavittut isigalugu sammisani marluusuni ilaasoq), nioqqutissanik atugassanik pisiortorneq (aallaavittut isigalugu sammivinni marluusuni ilaasoq).

Pisiniartarnermi sammivik immikkuullarissoq pillugu atuartitsissut:

• Pilersaarusiamik pisiniarneq
• Atugassanik pisiniarneq

Assartuinermi sammivik immikkuullarissoq pillugu atuartitsissut:

• Assartuineq aamma pisiniarfissuarnik aqutsineq
• Assartuinermut inatsisit

Nunat tamalaat akornanni assartuineq ataqatigiissarinerlu pillugit akademi-mi ilinniarnermi ilinniartunngorniaraanni suut piumasaqaataappat?
AU Nunat Tamalaat akornanni, assartuussineq, ingerlaarfissanillu pilersaarusiorneq-mi ilinnialerniaraanni, makku atuarnerit naammassineqarsimassapput.

• MERX II
• Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissaq imaluunnit immikkut akuerineqarnissaq pillugu qinnuteqarsinnaanermut periarfissaqarpoq.
Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik allatariasornermillu misilitsinnertaqarput, piviusumik aallaaveqarluni sammisamik suliaqarneq, allattariarsornikkullu inaarutaasumik militsinnertaqarluni.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 5 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.

Siunissami periarfissat / Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:

https://gbs.gl/wp-content/uploads/2024/01/Studieordning-AU-IHM.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.