Ilinniagaq Pisortani allaffissorneq

Inuttaasunut sulissinermik pitsaanerpaamik pilersitseqataagit.
Allaffimmi suliassanik, politikkikkut, inatsisilerinikkut, inuiaqatigiinnilu sammisassat iluini sulineq pissanganartuusoraajuk? Taamaappat akademi-mi ilinniagaq Pisortani allaffissorneq ilinnut toqqassallugu tulluartuuvoq.

Pisortat allaffissornerat pillugu akademi-mi ilinniakkami sooq ilinniartoqassava?
Akademi-mi Pisortani allaffissorneq, ilinnut sulianik isumaginninnermik, inuttaasunullu pitsaasumik sullissinermi, ajornartorsiutinillu aaqqiniarnermi sullissinissamut pissagarnartutut isiginnittumut piukkunnartuuvoq.

Ilinniarnermi ilinniassavatit, ajornartorsiutit assigiingitsorpassuit, kommuunit sullissiviini, nalagaaffiullu suliffeqarfinnii. Eqqummaariffiginerulissavatit politikkikkut, inatsisitigut, aqqissuussinikkut kiisalu aningaasartuutit pillugit sinaakkusiinerit immikkoortuni pineqartuni atuuttut, soorluli aamma pisut pilersaarusiortassagitit, ataqatigiissaarlugillu, ingerlatsinermilu suliassat suliarisarlugit.
Ilinniagaq diplom-itut ingerlaqqinnissamut periarfissiivoq

Qanoq atuartitsineq ingerlasarpa?
Pisortani allaffissorneq-mi atuartitsineq assigiingitsunut avinneqarpoq: Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Pisortani allaffissorneq-mi ilinniakkap, suliassanik kommuunini, piffinni immikkoortuni, nalagaaffimmilu suliassanik, politikkikkut, inatsisitigut, aaqqissuussinikkut, aningaasaqarnerlu pineqartillugit piginnaangorsassavaatit.

Sakkussanik ilisimasanillu, qanoq suliffeqarfik ungasinnerusoq isigalugu ineriartortissinnaanerlugu pissarsiaqassaatit. Suliffimmik sungiusarninni periarfissaqassatit piginnaasavit misilittarnissai atornissaalu.

Atuartitsissutit tulliuttut ingerlatsissavatit: Sulianik suliarinninneq, suliffimmi aningaasaqarnikkut aqutsineq, innuttaasunut attaveqarneq, aaqqissuussaaneq, inuussutissarsiutit aningaasarsiornerannut periuseq aamma Digitali atorlugu kiffartuussineq inerisaanerlu (Tunaartaliisuusumik iluseq).

Pisortat allaffissornerat pillugu akademi-mi ilinniakkami ilinniartunngorniaraanni suut piumasaqaataappat

Pisortani allaffissorneq-mut ilinnialerniaraanni, makku atuarnerit naammassisimassavatit.

• MERX II
• Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissaq imaluunnit immikkut akuerineqarnissaq pillugu qinnuteqarsinnaanermut periarfissaqarpoq.

Sammisat tamarmik assigiingitsutigut misilitsiffiupput: oqaluttariarsornermik misilitsinneq, piviusumik sammisaqarluni suliaqarneq, allattariarsornermik misilitsinneq, kiisalu allattariarsorluni inaarutaasumik suliaqarneq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 5 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.

Siunissami periarfissat / Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:

https://gbs.gl/wp-content/uploads/2024/01/Studieordning-AU-IHM.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.