Inatsisitigut suliassanik suliarinninnissamut ilinniarneq

Nunatsinni innuttaasut inatsisitigut, isumaginninnikkut aningaasaqarnikkullu apeqqutaannik ikiorusuppigit?

Taava inatsisitigut suliassanik suliarinninnissamut ilinniarnissaq (JUSA) ilinnoortuunissaa ilimanarluinnarpoq.

Sooq JUSA-mut ilinniassavit

Kalaallit Nunaanni pisortat allaffeqarfianni atorfeqaruit qaffassarusullutillu inatsisitigut suliassanik suliarinninnissamut ilinniarneq ilinnut tulluartuuvoq. Ilinniarnerup siunertaraa sulianik suliarinnittutut piginnaasatit pikkoriffitillu ineriartortinnissaannut periarfissinneqarneq.

Suna ilikkassavara?

JUSA inuussutissarsiornermut sammisuuvoq, makkulu ilinniartitsissutigineqassapput:

• Ilinniariaatsit allattueriaatsillu
• Inatsisiliorneq inatsisilerinermilu periutsit
• Kommunini inatsisilerineq
• Sulisoqarnermut tunngatillugu inatsisileritooq
• Ingerlatsinermi inatsit
• Kinaassutsimut atatillugu tarnilerineq – innuttaasumullu kiinnertarneq
• Inuiaqatigiit, atuagarsorneq aamma periuseq
• Nunarsuarmi aningaasaqarneq
• Nunarsuarmi aningaasaqarneq Kalaallit Nunaannut atatillugu
• Ulluinnarni suliatigut isiginneriaatsit

Ilinniartitsissutigineqartussat tamakkerneqartariaqarput, toqqagassaqarnaviaranilu.
Ilinniagaq qanoq ilusilersugaava?
Atuartitsineq piffissap ilaani atuartitsinissatut aaqqissugaavoq ukiuni pingasuni ingerlanneqassalluni.
Atuariartortarnerit piffissanut agguagaapput, ilaanni nammineerlutit ilinniartassaatit, namminersorlutit suliassanik suliniuteqartarlutit kiisalu atuariartornissamut piareersartassallutit. Atuariartarnerit akornanni piffissat suliffimmik misiliinerunngillat, nammineerlunili ilinniarnerussallutik, pissutigalugu taassuma saniatigut suliffiit nalinginnaasoq paarisussaagakku.

Qanoq atuartitsisoqarpa?
Ilinniarnermi atuartitseriaatsit suleriaatsillu assigiinngitsut atorneqassapput: oqaloqatigiilluni atuartitsineq, eqimattani suleqatigiinneq, suliat ajornartorsiutillu aallaavigalugit sulineq, nammineerluni ilinniarnerit, allattariarsornikkut suliassat, saqqummiussilluni atuartitsinerit il. il.
Soraarummeerneq qanoq ingerlasarpa?
Modulit tamarmik oqaluttariarsorluni allattariarsorluniluunniit soraarummeertitsinikkut naammassineqartarput. Ilinniarneq inaarutaasumik suliniuteqarnermik naggaserneqassaaq

JUSA-mi aallartinnissamut suna piumasaqaataava?

JUSA-mut tigusaanissamut piumasaqaatit tamarmik atuupput:

• Sulianik suliarinninnermut tunngasumut inuussutissarsiummut naapertuuttumut ilinniarsimassaatit.
• Isissutaasinnaasumik ilinniakkamik naammassinninnerup kingorna inuussutissarsiummik naapertuuttumik ukiuni marlunni misilittagaqarsimassaatit.
• Ilinniakkamut naapertuuttumik suliffeqassaatit.

AU-mut ilinniartitsissutinut tigusaanissamut piumasaqaataasut naammassisimagaanni ilinniartitsissutinut Nunarsuarmi aningaasaqarneq Sulisoqarnermullu Inatsisilerineq-nut AU-tut qaffasissusilimmik allattariarsornermik misilitsittoqarsinnaavoq.

Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissamut imaluunnit immikkut akuerineqarnissamut qinnuteqarnissamut periarfissaqarpoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliissanngilatit

Siunissami periarfissat/ Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:
https://gbs.gl/wp-content/uploads/2023/02/2022-Studieordning-JUSA.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.