Inuussutissarsiornermi aningaasaqarnermut ilisimatusarneq (BA)

Aningaasaqarneq aamma aningaasalersuineq soqutigivigit, aamma suliffeqarfinni ingerlatsinerit aningaasaqarnikkut misissueqqissaarfigineri suliarerusuppigit?

"Inuussutissarsiornermi aningaasaqarnermut ilinniarneq ukiunik pingasunik sivisussuseqarpoq, ilinniartut piareersarneqartarput namminersortuni pisortaniluunniit inuutissarsiornermi aningaasaqarnermik immikkut ilisimasalittut sulinissamut”

- Javier L. Arnaut, immikkoortortaqarfimmi pisortaq

Aamma suliffeqarfiup ingerlanneqarnerani siammasissumik isiginnilluni nalilersuisussatut aammalu ineriartortitseqqinnissamut periarfissanik nalilersuisussatut sulisinnaavutit.

Ilinniagaq ilinniarnerlu ingerlanneqartarput inussutissarsiornermik suliaqartut suleqatigilluinnarlugit.

Ilinniarnerit tassaapput bachelorinngorniarneq (ukiut 3) kandidatinngorniarneq (ukiut 2).

1.-4. semesterit ingerlaneranni inuutissarsiornermut aningaasaqarnerup tunngavii ilisimatusarnermilu periaatsit modulikkuutaarlugit sammineqassapput.

Modulit tulleriiaaqqissaartariaqanngillat, taamaattoq soorlu aningaasanik aqutsineq ingerlariaqqiffiusoq (Videregående økonomistyring) atuarniaraanni aningaasaqarnermut aqutsineq (økonomistyring) peqqaarsimasariaqarpoq.

Pitsaanerutinneqartarpoq modulit tulleriinneri allanngortinnagit pigaanni. 5. semesterimi ilinniartut suliaqartinneqartarput nunatsinni suliffeqarfik (namminersortoq pisortalluunniit ingerlataat) suleqatigalugu. Tassani 1.-4. semesterini ilinniakkatik tunngavigalugit suliffeqarfinni pissutsit misissussavaat.

5. semesterimut ingerlaqqissagaanni semesterit 14 angusiffigisariaqarput. Saniatigut 1., 2. aamma 6. semesterit ingerlanerini faginik toqqagassaqarpoq assigiinngitsutigut immikkut ilisimasaqarfiulersinnaasunik.

Ilinniarneq naggaserlugu bachelorinngorniummik suliaqartoqassaaq inuutissarsiornermut aningasaasaqarnerup iluani sammisamik aalajangersimasumik toqqaalluni.

Ilinniarnertuutut ilinniarnertuutulluunniit assigusumut ilinniarfimmi misilitsinermi agguaqatigiissillugu GGS-skala malillugu 6,0-mik angusaqarsimaneq, tassani fagit B-tut immikkut sammillugit toqqagassatut atuarfigineqarsimasut matematik aamma tuluttut minnerpaamik C-mik taassumaluunniit annermik angusiffiusimassapput. Qinnuteqartoq kalaallisut danskisullu allattariarsornermi oqaluttariarsornermilu minnerpaamik D-mik angusisimassasoq piumasaqaataavoq.

A-mit minnerusumik angusineq B-mi piumasaqaataasutut isigineqarsinnaavoq.

Kajungissuseq aallaavigalugu qinnuteqaatit immikkut ittumik akuerineqarneri immikkoortortami aqutsisumit qinnuteqartut ataasiakkaat ilinniagaqassutsimikkut piginnaasaat kiisalu inuussutissarsiorlutik pikkorissarnermilu peqataasarlutik piviusumi piginnaasaat aallaavigalugit suliarineqassapput.

Kajungissuseq aallaavigalugu qinnuteqaraanni sooq issittumi inuiaqatigiit ilisimatusarfigineri imaluunniit inuussutissarsiutit aningaasaqarneri ilinniarfigerusunnerlugit nassuiaasarnissaq innersuussutigineqarpoq. Soorlu suna pillugu kajungissuseqarnerluni inuiaqatigiit pillugit ilisimatusarusunnerluni imaluunniit inuiaqatigiit aningaasaqarnerannik suliaqarusunerluni allaaserinninnikkut tamanna pisinnaavoq. Ilinniarnermi suut pissarsiarisinnaanerlugit ilimasuuteqarneq aamma suliat aallaavigalugit siunissami piginnaagaligassat sumut atorsinnaanerlugit siunissamut kajungigisaqarnermik aamma allaaserinnittoqarsinnaavoq. Qulaani allassimasut naggataatigut aamma akuleriinneqarsinnaapput.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniagaq ingerlaavartumik 1 septembari

Neqeroortoq
Ilimmarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 6 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.

Siunissami periarfissat / Suliffiusinnaasut
Inuussutissarsiornermi aningaasaqarnermut bachelorinngoraanni inuiaqatigiilerinermik ilisimatusaatit iluanni kandidatinngorniartoqarsinnaavoq.

Inuussutissarsiornermi aningaasaqarnermut kandidatinngorniaruit cand. merc.-inngorsinnaavutit, kukkunersiuisutullu kandidatinngorniaruit cand. merc. aud.-inngorsinnaallutit.

Taama ilinniagaqarlutit pingaartumik namminersortut suliffeqarfiutaanni allaffimmiunngorsinnaavutit, soorlu naatsorsuuserisutut aningaasanillu aqutsisutut, aningaasaliinermi nittarsaassinermilu

Ilinniarnermik aaqqissuussineq
https://www.uni.gl/media/1khnmq1h/studieordning-arktisk-samf-og-eoe-2024.pdf

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.