Aningaasaqarneq Isumalluutinillu aqutsineq (BA)

Akademi-mi ilinniakkat ingerlateqqiguk bachelor-imut
Akademi-mi ilinniagaqarpit, misigisimallutillu suli piginnaasarnik niuernerup iluani, pilerisaarinermi, aqutsinermi, aaqqissussinermi, suleqatigiinnermilu qaffassaanerit naammaginagu?
Imaluunniit akademi-mi ilinniakkakkatit ilaartorusuppigit nutaanik, soorlu ineriartortitsineq, e-business imaluunniit nutaaliorneq? Taava Bachelor Aningaasaqarneq, isumalluutinillu aqutsineq qularnaatsumik ilinnut tulluarpoq.

Aningaasaqarneq Isumalluutinillu Aqutsineq-mi BA sooq ilinniassaviuk?
Aningaasaqarneq, isumalluutinillu aqutsineq Bachelor ilinnut tulluartuuvoq, ilinnut naatsorsuuserinermuk, aningaasanik aqutsinermut, aningaasaliinermillu ingerlaqqikkusuttumut. Ilinniakkamilu soorlu, qanoq ililluni aaqqissuussineq, piareersaanerlu atorlugit, suliffinnik, aningaasaqarnernillu ingerlalluartunik ilinniarsinnaavutit.
Suliamik ilisimasaqarluarnerup itisileernissaa pillugu, toqqaannaq atorsinnaasumik, kisianni aamma ilinniagaq immikkut ittunik soqutiginartunik toqqarneqarsinnaasunik neqerooruteqarmat.
Ilinniagaq kandidat-itut ingerlaqqinnissamut periarfissiivoq, imaluunniit kandidat-inut ingerlaqqinnissanut sivikillisaanermut atorneqarsinnaalluni.

Qanoq atuartitsineq ingerlasarpa?
Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniartitsinerup ilarujussuaq paasiuminartunngorlugu suliaavoq. Sulianik assersuusiorluni, sammisanillu ulluinnarni pisartunik piusunik aallavilinnik suliaqartassaatit, taamaasillunilu siunissamik suliffigilerumaakkannut piareersarneqassaatit.
Ilinniarnerup ilaa qarasaasiakkut ingerlanneqartarsinnaavoq. Aammattaaq ilinniarnerup ilaa nunani allani ingelanneqartarsinnaalluni, taamaasiornermilu sivikillisaanermik kinguneqarsinnaalluni.
Suliffimmi sungiusarneq, suliffimmik sungiusarfimmi ataatsimi akuerisami Kalaallit Nunaanni imaluunniit nunani allani ingerlanneqartassaaq.
Aningaasaqarneq Isumalluutinillu Aqutsineq-mi BA inuussutissarsiornermut sammivoq, makkulu ilinniartitsissutigineqassapput: Aningaasaqarneq Isumalluutinillu Aqutsineq, Aqutsisuuneq, aaqqissuussineq suleqatigiinnerlu, Inatsisilerineq, Niuerneq nittarsaassinerlu, Periutsit susassaqarfiillu suleqatigiinnerisigut suliniutit, Ilinniakkamik qinersineq (ass. Nutaaliorneq,
suliffeqarfimmik pilersitsineq & E-Business, Suliffeqarfinni Ileqqorissaarneq Business Ethics, Kalaallit Nunaanni ileqqut malillugit aqutsineq), Suliffimmik misiliineq Inaarutaasumillu suliassaq.

Aningaasaqarneq Isumalluutinillu Aqutsineq-mi BA-mut ilinniarnissamut suut piumasaqaataappat?

BA Aningaasaqarneq, isumalluutinillu aqutsineq-mi ilinniakkamut allartissangaanni, ilinniagaq Akademi-mi Aningaasaqarneq, isumalluutinillu aqutsineq naammassisimasariaqarpoq.
Akademi-mili ilinniakkamik allamik naammassinnissimaguit, qinnuteqarsinnavutit, tassani sivikillisaaffigineqarnissamik- aammalu piginnaasannik nalilersuiffigineqarlutit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 6 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:
https://gbs.gl/wp-content/uploads/2024/05/Studieordning-BA-2024.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.