Perorsaasut (BA)

Perorsaasutut sammivilimmik bacheloritut ilinniarneq ukiut 3½ sivisussuseqarpoq semesterillu arfineq-marluk sinnerlugit ingerlasarluni, taakkunanilu atuagarsornertaa taamaallaat Ilulissani ingerlanneqarsinnaasiilluni. Ukiut tamaasa aggustip aallartinnerani holdeq ataaseq 25-nik inulik aallartittarpoq, taakkualu ilinniarnerminni marloriarlutik suliffimmik misiliisarput; sap. ak. 14-it kiisalu sap. ak 18-nik sivisussuseqartunik. Semesteri ataaseq 30ECTS-inik naleqarpoq.
Ilinniakkap anguniagarivaa ilinniartup ukua pisinaalissagai:

• meeqqat, inuusuttut inersimasullu akulerullugit siunnersortinut ikorfartoqatigiinnullu angajoqqaanut qanigisaasunullu akuliutsinneqarnissaat,
• inuiaqatigiilerinermik siunnerfinnut naleqartitanullu oqaatsit sumiuussutillu piorsarsimasssutsitigullu tunuliaqutarineqartut apeqqutaatinnagit siammarterineq
• perorsaanermi suleriaatsinut naleqqussarluni,
• perorsaanermut tunngasunik sammisassanik ingerlariutsinillu piareersaaneq, suliarinninneq ataqatigiissaarinerlu
• suleqatillu suleqatigiinnerini ilaaneq, kiisalu
• misissuineq, naliliineq, uppernarsaanerlu pitsaasumillu ineriartortitsilluni perorsaariaatsinik iliuuseqarfiusunik peqataaneq

Inuussutissarsiutigalugu perorsaasutut bachelorinngorniarnermut ilinniaqqinneq tassaavoq (PI/SPS-imi 2008 sioqqullugu) perorsaasutut najugaq qimannagu ilinniarnerminnik naammassinnissimasunut aamma perorsaasutut ilinniarnerminnik naammassinnissimasunut ilinniaqqiffiusoq.

Ilinniarneq semesteri ataasimi, qaammatinik tallimanik sivisussuseqarpoq. Ilinniaqqinnermi sapaatip akunnerinik arfinilinni "ilisimatusarnermi atuagarsorneq" ilinniartitsissutigineqassaaq aamma piffissap sinnerani namminersorluni inaarutaasumik misilitsissutigisassamik bachelorip suliassartaanik suliaqartoqassaaq.

Ilinniartut perorsaanermik ilinniariartortut Qoororsuarmi ilinniartut inaanni ineqarnissaminut tunineqartarput. Ilinniartut ukiut pingasut affarlu ilinniariartortut ilisimassavaat meeqqat/ilaquttat ilagissagaanni ilinniartut inaannik tunisittoqarsinnaasoq. Aappariit ilinniartut inaanni aappariinnut tulluartunik ineeqqanik tunineqartarput, kisermaat ilinniartut inaannik tunineqartarput.

Ilinniakkamut akuerisaanissamut piumasaqaataavoq qinnuteqartoq:

• Socialassistentitut ilinniakkamik naammassinnissimassasoq minnerpaamik D/4 karaktereralugu
• Ilinniarnertuutut naammassinnissimassasoq minnerpaamik agguaqatigiisillugu 4,5 karaktereralugu minnerpaamillu D/4 karakteraralugu A-niveau qallunaatut allattariarsornermi
• Alla ilinniarnertuutut ilinniakkamut assigusinnaasoq

Agguaqatigiisillugu karakteri angusimanngikkaanni imaluunniit karakteri ataaseq amigaatigigaanni immikkut naliliiffigitinnissamik aammalu qaffaassaanermik uppernarsaanikkut immikkut iliornikkut qinnuteqartoqarsinnaavoq. Immikkut iliorluni qinnuteqarneq tunngavilersorneqassaaq rektorimullu tunniunneqarluni. Allakkamut ilanngunneqarsinnaavoq qinnuteqartup immikkut oqaloqatigineqarnera.

Qinnuteqartuni piukkunneqartut inissaqartuniit amerlaneruppata pingaarnersiorlugit kina akuerisaassanersoq nalilersorneqassapput taakkunanilu kina piumasaqaatit malillugit piukkunnarnerunersoq akuerisaanissaminut, tassanilu peqqissuseq holdimut akuerisaasunut sanilliunnera isiginiarneqassaaq.

Inaarutaasumik bacheloriliornermut ilinniarnermut akuerisaanissamut piumasaqaataavoq ilinniartoq:

• Perorsaasutut ilinniagaqarsimanissaq, bacheloriliornertaqanngittumik

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
Perorsaanermik Ilinniarfik (PI/SPS)

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Siunissami periarfissat / Suliffiusinnaasut
Ilinniakkamik naammassinnereernermi ukunani atorfininniarsinnaavutit:

• Ulluunerani paaqqinnittarfinni
• Ullukkut unnuakkullu paaqqinnittarfinni
• Minnerit atuarfianni
• Innarluutilinni
• Utoqqarni
• Pinerluttunik isumaginnittoqarfimmi
• Siunnersuinermi pitsaaliuinermilu suliaqarneq

Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat: https://pi.sps.gl/ka/ilinniakkat/perorsaasutut-sammivilimmik-bacheloritut-ilinniarneq/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.