Ilinniartitseriaatsimi, kulturit naapinneranni, allanngoriartornermilu (MA)

Ilinniartitaanerup ilisaritinneqarnera

Ilinniartitseriaatsinik ilisismatusarnermi masteri, Kulturi pillugu ataatsimiinnerit & Allanngueriaatsit ilinnut ilinniartitsisartumut aamma ilinniaqqikkusuttumut peqatigisaanillu illit suliffigisavit inerisarnissaanut inerisaaqataasinnaanerit.

Ilinniartitsisunut namminneq suleriaatsiminnik inerisaarusuttunut aamma namminneq suliffeqarfiutilinnut ilaannakortumik ilinniaqqinneruvoq. Ilinniarnermi qitiulluinnartoq tassaavoq ilinniaqatinik allanik isumasioqateqartarneq aamma peqataasut akornanni ataqatigiinnerujussuarmik pilersitseqatigiinneq.

Nutaanerpaanik ilisimasanik ilisimatuussutsikkut peqataasut namminneq suleriusaannik ilinniarfiillu tunngaviinik aallaaveqarlutumik ilinniartitsilluni ilinniarfeqarfinnik inerisaaqataasinnaanissaq anguniagaavoq. Peqataasut ilinniartiteriaatsinik aamma kulturi pillugu ajornartorsiutinik misissuisarlutik kiisalu nammineq ilinniarfimmi sullivigisami sukumiisumik inerisaanermik suliaqartarlutik ilinniarnerup ingerlanerani piginnaasaminnik inerisaassapput.

Ilinniarneq tamakkerlugu ilinniarfigineqarsinnaavoq imaluunniit modulit ataasiakkaat toqqartarlugit ilinniartoqarsinnaavoq, soorlu 2022-mi ukiakkut modul 1. Modulit ataasiakkaat toqqarsimagaanni modulit allat kingusinnerusukkut nanginnissaannut periarfissaqarpoq imaluunniit masteritut ilinniakkat allat ilinniarsimaneq atorfinissutaasinnaasup ilinniagarinissaannut qinnuteqartoqarsinnaavoq.

Ilinniakkap sannaa

Masteritut ilinniarneq ukiunik marlunnik sivisussuseqartoq modulinik sisamanik aamma semesteri ataaseq 15 ECTS-inik imaqartarpoq.

• Modul 1: Atuartitsineq, ilinniarneq, ilinniartitsisut atuartullu akornanni aamma atuartut atuartullu akornanni pisartunik samminninneq imarivai. Najukkami, nunap immikkoortuini nunarsuarmilu ajornartorsiutaasartut ingerlaavartumik akuliutsinneqartarput, atuartut kulturikkut tunngavigisai kinaassusai kiisalu ilinniartitsisut atuartullu akornanni aamma atuartut akornanni oqaatsit pillugit ataatsimiinnerit uani ilaapput. Ilinniartitsisup inissisimaffia inillu atuartitsiviusup kulturianut kajungissusianullu attuumassuteqarnera immikkut ittumik pingaartillugu aamma atuartitsisoqassaaq.

• Modul 2: Inerisaariaatsit allanngortiteriaatsillu sammineqartarput, taakkunani immikkut iliuuseqartarnissamik ilinniartinneqarneq aamma iliuuseqartarnerit ilisimatusarfigineqarneri atorneqartarput. Ullutsinni oqaluttuarisaanermilu ilinniartitaanerup silarsuaani allanngoriartornerit paasilluarumallugit sulisut suliffeqarfiillu pillugit atuagarsornerit suliarineqassapput. Ilinniarnermi qaffasissutsit assigiinngitsut ikaarsaarfigineqartarneri ilanngullugit sammineqassapput.

• Modul 3: Suliaqarfiit sisamat tulliuttut ilaasa ataatsip immikkut ilisimatusarfiginissaannut periarfissiivoq: fagi aalajangersimasoq aallaavigalugu atuartitsineq, nutaaliorneq, digitalimik imaluunniit IT-imik pilersitsineq kiisalu oqaatsit allat atorlugit perorsaaneq.

• Modul 4: Ilinniarnerup sammisaasa ilaannik ataatsimik arlalinnilluunniit suliaqarluni allaaserinninneq.

Ilinniartut ilinniarnerup ingerlanerani namminneq suliffeqarfiullu suleriaasiinik misissuinissaminnut periarfissaqassapput. Periutsit atorneqartut nammineq atuartitseriaatsimut aamma ilisimatuussutsikkut akuerisanut qanittuaqqat atorneqartarput.

Atuartitsineq immini oqalugiarnermik, sungiusarnermik, utertitsinermik aamma aqqutissiuussinermik paarlagiiaassilluni imaqartinneqassaaq.

Aki
Masterimut ilinniarneq semesterimut ataatsimut 15.000 kr.-nik akeqarpoq, katillugit 60.000 kr.-nik akeqarluni.

Taakkua saniatigut angalanermut ineqarfigisami ineqarnermut kiisalu atuakkanut aningaasartuutit ilinniartut namminneq imaluunniit sulisitsisup akiligassai ilanngunneqassapput.

Aamma atuartitsinermut, piareersarnermut, eqimattatut sulinermut aamma allaaserinninnermut piffissartortoqarnissaa eqqarsaatigineqassapput.

Ilinniarnermut qinnuteqartut tiguneqassagunik makkunannga piumasaqarfigineqarput:

• Ilinniaqqiffiusumi angusisimaneq, soorlu bacheloritut, suliffimmik aallaaveqarluni bacheloritut, perorsaanermik ilinniarnertuunngorniarfimmi imaluunniit inuussutissarsiutigalugu perorsaasunngorniarfimmi kandidatitut.
• Inuussutissarsiutigalugu sulissartutut sivikinnerpaamik ukiuni marlunni misilittagaqarneq.

Qinnuteqartut tigusaanissamut piumasaqaatinik naammassinnissimanngitsut qinnuteqaat tunngavilersugaq ilanngussinnaavaat, soorlu Institut for Læringimi suliffimmi/ immikkoortortami aqutsisumik oqaloqateqarnermik malitseqarfigineqartussamik.

Ilinniartoq suliamut ilinniagaq aallaavigalugu danskisut tuluttullu atuakkanik atuarsinnaassasoq piumasaqaataavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniagaq ingerlaavartumik 1 septembari

Neqeroortoq
Ilimmarfik

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliissanngilatit

Siunissami periarfissat / Suliffiusinnaasut
Ilinniarlutit naammassiguit suliffinni assigiinngitsuni arlalinni matut ilinnut atorfigisannik qaffassaanissannut ammarsinnaalissavatit, soorlu ilinniarfinni, pisortat allaffeqarfiini aamma kulturi pillugu paasissutissiisarfinni. Ilinniarnerup illit perorsaanermik ineriartortitsinissamik, kulturi aallaavigalugu ataatsimiinnernik suliaqarnissamik aamma namminersortut pisortallu kattuffiisa allannguiniarlutik suleriusiinik atuutilersinneqarnerinik suliaqarnissamut piginnaaneqartilissavaatit.

Suliffissatut periarfissat ilagaat siunnersortitut, suliniutinik aqutsisutut imaluunniit ilinniarfeqarfinni kattuffinnilu aqutsisutut akuutitsinermik, kulturimik allannguinermillu suliaqarnerit. Taakkua saniatigut universitetimi ilisimatusarnermik imaluunniit atuartitsinermik suliaqartarsinnaassaatit.


Ilinniarnermik aaqqissuussineq
https://www.uni.gl/ilinniaqqinneq/ilinniartitseriaatsimi-kulturit-naapinneranni-allanngoriartornermilu-masteri/

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.