Inuiaqatigiilerineq (BA)

Inuiaqatigiinni kalaallini nunarsuarmilu tamarmi pissutsinik soqutigisaqarpit?

“Ilinniagaq siammasippoq inuiaqatigiinnullu tunngasunik ilisimatusarnertut ingerlanneqarluni - aamma sammineqartarput inuiaqatigiinnut sammisumik ilinniagaq, inuiaqatigiinnut allatut sammisumik ilinniagaq, aningaasaqarneq aamma inatsisit pillugit ilinniagaq” - Javier L. Arnaut, immikkoortortaqarfimmi pisortaq

Ilinniakkat pineqartut samminerini qulaarneqarsinnaalissapput assersuutigalugu pisortat ataanni suliffeqarfinni aaqqiivigisassat. Siunissami pisoqartaqarfitsigut ingerlatsineq pillugu ilisimasaqalerlutillu ilusilersueqataanissamut sakkussinneqassaatit.
Ilinniagaq Kalaallit Nunaanni pissutsinik aallaaveqarpoq, ilutigisaanilli aamma nunarsuarmut tamarmut sammilluni.
Ilinniakkat tassaapput bachelorinngorniarneq (ukiut 3) kandidatinngorniarneq (ukiut 2).

Inuiaqatigiilerinermut bachelorinngorneq ukiunik pingasunik sivisussuseqarpoq – tamatuma kingorna ukiut marluk kandidatinngorniartoqarsinnaavoq. Ilinniakkami qitiutinneqartuni sisamaasunit politikkikkut ingerlatsinermik ilinniarneq (politologi), ilaatigut sammineqartarput inuiaqatigiit aaqqissuussaanerat, politikikkut aaqqissuussineq kiisalu tamat oqartussaanerat.

Inuiaqatigiinni innuttaasut pissusiinik ilinniarneq (sociologi) sammineqartarput inuit aamma inuiaat ataasimoortut akornanni susassareqatigiinneq, aaqqiagiinnginnerit kiisalu suleqatigiinneq.

Aningaasaqarnermut tunngasunik ilinniarneq (økonomi) sammineqartarput Kalaallit Nunaata aningaasaqarnera kiisalu aningaasaqarnermut politikki.
Inatsisinut tunngasunik ilinniarneq (jura) ilinniassavatit inatsisit aamma taakku atorneqartarnerat.
Ilinniakkani pineqartuni piumasaqaataavoq piginnaaneqarneq aamma tunngaviusumik ilisimasat. Taamaattumik suleriaatsinut tunngasut soorlu inuiaqatigiinnik nassuiaasersuineq misissueriaatsit kiisalu naatsorsueqqissaarneq ilinniartitaanermi ilaatinneqarput.

Ilinniarnertuutut ilinniarnertuumulluunniit assingusumut ilinniarfimmi misilitsinermi agguaqatigiissillugu GGS-skala malillugu 6,0-mik angusaqarsimaneq, tassani fagit B-tut immikkut sammillugit toqqagassatut atuarfigineqarsimasut matematik aamma tuluttut minnerpaamik C-mik taassumaluunniit annermik angusiffiusimassapput. Qinnuteqartoq kalaallisut danskisullu allattariarsornermi oqaluttariarsornermilu minnerpaamik D-mik angusisimassasoq piumasaqaataavoq.

A-mit minnerusumik angusineq B-mi piumasaqaataasutut isigineqarsinnaavoq.

Kajumissuseq aallaavigalugu qinnuteqaatit immikkut ittumik akuerineqarneri immikkoortortami aqutsisumit qinnuteqartut ataasiakkaat ilinniagaqassutsimikkut piginnaasaat kiisalu inuussutissarsiorlutik pikkorissarnermilu peqataasarlutik piviusumi piginnaasaat aallaavigalugit suliarineqassapput.

Kajumissuseq aallaavigalugu qinnuteqaraanni sooq Issittumi inuiaqatigiit ilisimatusarfigineri imaluunniit inuussutissarsiutit aningaasaqarneri ilinniarfigerusunnerlugit nassuiaasarnissaq innersuussutigineqarpoq. Soorlu suna pillugu kajumissuseqarnerluni inuiaqatigiit pillugit ilisimatusarusunnerluni imaluunniit inuiaqatigiit aningaasaqarnerannik suliaqarusunnerluni allaaserinninnikkut tamanna pisinnaavoq. Ilinniarnermi suut pissarsiarisinnaanerlugit ilimasuuteqarneq aamma suliat aallaavigalugit siunissami piginnaasariligassat sumut atorsinnaanerlugit siunissamut naatsorsuuteqarnermik aamma allaaserinnittoqarsinnaavoq. Qulaani allassimasut naggataatigut aamma akuleriinneqarsinnaapput.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniagaq ingerlaavartumik 1 septembari

Neqeroortoq
Ilimmarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Siunissami periarfissat / Suliffiusinnaasut
Misilittakkat takutippaat Inuiaqatigiilerinermik ilinniarnikut amerlasuut pisoqarfinni sulilersartut.
Kiisalu amerlasuut kattuffinni suliffeqarfinnilu angisuuni sulilersarput.

Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://da.uni.gl/media/1khnmq1h/studieordning-arktisk-samf-og-eoe-2024.pdf

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.