Maskinmester (BA)

Maskinmesteritut ilinniarneq Sisimiuni aamma Danmarkimi ingerlanneqartarpoq Kalundborg imaluunniit Kongens Lyngy qinerneqarsinnaapput. Ilinniarnermi katillugit semesterit 9 ingerlanneqartarput aamma 270 ECTS point pissarsiarineqartarlutik.

Maskinmesteritut sulineq, siunissaq kiisalu suliffissatut periarfissat

Naalagaaffeqatigiinnerup iluani Maskinmesteritut iliniarsimasoq siammasinnerpaamik ilinniagaqarpoq. Suliaqarfiit ataavartumik Piffissami piumasaqaatit kissaatigineqartullu naapertorlugit piujuartitsineq minguitsumillu ineriartorneq tunngavigalugit allanngorartuupput. Atuuffinni pingaarutilinni, inuiaqatigiinni ingerlatsisutsinni tamani maskinmesterit sulisut takuneqarsinnaapput. Nukissiornermik pilersuinermi assartuinermilu Maskinmester sulisarpoq. Maskinmester siunissami silap pissusaata unammillernartuinik aaqqiiniaqataavoq. Suliffeqarfippassuit iluini suliffimmi ineriartornissamut periarfissaqarpoq.

Maskinmester suleriva?

Kalaallit Nunaanni maskinmesterit nunami imaanilu (umiartornermi) atorfinittarput. Nunami suliffiit nukissiuuteqarfinni pisortat aamma namminersortut suliffeqarfiini periarfissiipput. Maskinmestererpassuit imarsiornermi suliaqartuupput. Ullumikkut kalaallit nunaanni maskinmesterit ikittuinnaapput, sinneri nunanit allaneerput. Maskinmesterit akornanni suliffissaaleqisoqanngingajappoq.

Annertuumik teknikikkut piginnaasat

Maskinmesteri suliassat assigiinngitsorpassuit akimorlugit piginnaasaqarpoq aamma kallerup inneranut ingerlatsinermut aserfallatsaaliuinermillu, maskiinanut atortunut, nammineq ingerlasinnaasunut IT-mllu ilisimasaqarluarlutik.

Maskinmesterit suliaat suliffissuaqarnerup iluani, nukissiornermi Napparsimmaveqarnermi, pisiniarfissuarni, kiisalu illuni angisuuni teknikikkut atortuni nassaarineqarsinnaapput.

Maskinmesterit innaallagissiuutinik sanasinnaapput, tassungalu maskiinassanik imaluunniit maskiinanik allanik sanasinnaallutik.

Maskinmesteritut sulinermi kallerup innilerinermi, imermik kissarnermillu suliaqarnermi, assersuutigalugu fjernvarmi, nukissiorfinni, biogasi, umiarsuit, imeq manngaannartoq, kallerup inneranik pilersuinermi, sinerissap avataani aamma sanaartornerup iluani suliarineqarsinnaapput.

Maskinmestererpassuit pisortatut atorfeqarput, assersuutigalugu ingeniøritut suliffeqarfinni siunnersortitut.

Ilinniarnertuunngorniarfimmi soraarummeersimasunut ilinniartitaanerup aaqqissuussaanera:

M1-M2-M3

• KTI-mi sannavimmi Maskinmesterinut ilinniarfimmi Sisimiut, atuagarsorluni sannavimmi ilinniarneq. Sannavimmi Maskinmesterinut ilinniarfimmi suliarissavatit uuttueriaatsit, pneumatik, motorilerinermut ilinniarneq, nillataartitsineq, aamma svejserinermut, Kallerup innilerinermut, drejning aamma savimmut killuummut tekniki.

M2/M3

• Kalallit Nunaanni qaammatini arfinilinni suliffeqarfimmi imaatigut nunamiluunniit sungiusarneq Suliffeqarfimmi sungiusarnermi Sisimiuni ilinniarfimmi piginnaasarilersimasatit sungiutissavatit. Peqatigisaanillu maskinmesteritut suliffiup qanoq ingerlasarnera ilinniassavat.

M4-M5

• Maskinmesteritut ilinnarnerup atuagarsornertaa Sisimiuni Maskinmesteritut iliniarfimmi/KTI-mi ingerlanneqartarpoq.

M6-M7

• Maskinmesteritut ilinniarnerup atuagarsornertaa Kalundbord, Danmarkimi ingerlanneqartarpoq.

M8

• Fagit toqqarneqarsinnaasut - Teknika København, Kongens Lyngby umiartorusuttunut tamanut, (Skibssimulator) (umiarsuarnik piusuusaartitsineq). Imaluunniit MSK-mi suleqatigiissunut,(aamma nunat tamat akornanni).

M9

• Bachelorprojekt aamma professionspraktik - Kalaallit Nunaat

Ilinniaqarsimasunut aamma meeqqat atuarfiani imaluunniit ilinniarnertuunngorniarfimmi soraarummeersimasunut ilinniarnerup aaqqissuussaanera:

• Meeqqat atuarfiani soraarummeersimanermut uppernarsaat: KTI Sisimiuni qaammatini arfinililnni ingerlaqqinnissamut pikkorissarneq. Matematik, fysik, dansk aamma engelsk piginnaasat qaffassarneqassapput.

M4-M5

• Maskinmesteritut atuarnerup ingerlanneqarnera.

M6-M7

• Maskinmesteritut atuarnerup ingerlanneqarnera - Teknika København, Danmark-Kalundborg, Danmark

M8

• Fagit toqqarneqarsinnaasut TeknikaKøbenhavn, Kongens Lyngby umiartorusuttunut tamanut,(Skibssimulator). umiartornermik suliaqarniarlutik kissaatieqartunut tamanut (Skibssimulator) imaluunniit nunat tamat akornanni Teknikikkut suleqataasuni.

M9

• Bachelorinngorniarneq aamma inuussutissarsiornermut sungiusarneq, Kalaallit Nunaat.

Nunat tamat akornanni siunissaq minguitsoq.
Maskinmesterit teknikikkut suliniutinik aqutsisinnaanertik pissutigalugu inuussutissarsiorfinni amerlasuuni suleqataapput pingaartinneqartut,suliffeqarfiup ajornartorsiutigisinnaasaanik tigussaasunik aaqqiissuteqartarlutik pissutigalugu.
Nunarsuaq tamakkerlugu nukissiornermi minguitsuussutsimik pingaartitsisoqarpoq, suliffeqarfippassuit kissaatigalugu minguitsumik allannguinissaq. Maskinmesterit tunisassiornermi imaluunniit ulluinnarni sulinermi minguitsumik aaqqiisinnissamut peqataasarput. Minguitsumik aaqqqiinerit nutaat suliffeqarfinnut pitsaanerusumik nukinnik, tunisassiornermi aningaasaqarnermillu tunniussisarput.
Maskinmesterit apersuutigineqarajupput, nuannarineqarlutillu.

Maskinmesteritut ilinniarnissamut piumasaqaatit

Ilinniartutut tiguneqassaguit soraarummeernerit ilinniarnerillu makku naammassisimasussaavatit:

• Ilinniarnertuunngorniarfimmi soraarummeersimaneq, (imaluunniit 3g aaallartissimassavat).
• Inuussutissarsiutigalugu ilinniarsimaneq meeqqat atuarfiani soraarummeernertalik.
• Inuussutissarsiutigalugu ilinniarsimaneq ilinniarnertuunngorniarfimmi soraarummeernertalik.

Matematik, fysik, danskisut aamma tuluttut nuannerisarissavatit.
Tamatuma saniatigut qinnuteqarluni immersugassaq immersussavat, piumassuseqarpalaatumillu qinnuteqarlutit kiisalu CV ilanngullugu.
Qinnuteqarnermi ikiorneqartariaqaruit KTI 861600 attavigissavat imaluunniit 555301 imaluunniit toma@kti.gl imaluunniit si@kti.gl-mut allallutit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Maskinmesterisut qinnuteqaatit www.optagelse.dk-ip suliarisarpai. Juulip naanerani tusagaqassaatit. Ulloq tusarfissaq ukiut tamaasa upernaakkut saqqummiunneqartarpoq. KTI-p kalaallit Maskinmesterisut qinnuteqarniartut ikiortarpai. KTI-p Teknika København qinnuteqaatinik suleqatigaa. KTI-p kalaallit qinnuteqartut juuli naanerani www.optagelse.dk-miit tusagaqarsimanngitsut, tusagaqarnissaannut ikiortarpai.

Ilinniarnermik aallartiffik
Ilinniarneq augustimi septemberimiluunniit aallartittarpoq, kisianni aprilimi majimiluunniit peqqissutsimut allanillu misissortinnissamut piareersimassaatit.

Neqeroortoq
KTI Værkstedsskolen Maskinmester, Sisimiut & Teknika, København

Aningaasaqarneq
Ilinniarnermi danskit SU-anik ilinniagaqarnersiuteqassaatit.

Qinnuteqarneq
Maskinmesteritut iliniarnissami immikkut qinnuteqariaaseqarpoq, tassani CV, piumassuseqarpalaartumik qinnuteqaat, MSK-mut qinnuteqaat kiisalu soraarummeersimanermut allagartat ilanngunneqartarlutik Aasakkut maskinmesteritut ilinniarnermik aallartitsiniartut tamarmik qarasaasiakkut www.optagelse.dk.-mut qinnuteqassapput. Ilinniarsimasunut ukiukkut aallartinneq (M4 semester) toqqaannartumik Teknika København aallartittarpoq (KTI Sisimiut qinnuteqarnermi ikiuuttarpoq). Taamaattumik på 861600 imaluunniit si@kti.gl . attavigiuk Ilanngullugu Kalaallit Illuutaannut immikkut qinneqassaatit (Atuarfimmit billetsi aamma atuarnerup nalaani atuakkanut tapit). SKAT:DK-mut nalunaarsorsimassaatit. Tamanna aamma Kalaallit illuutaata ikiuuffigisarpaa. Uani paasissutissanik annertunerusunik atuarsinnaavutit

Suliffimmik misiliinermi pissutsit
Sisimiuni KTI-mi Maskinmesterinngorniarfimmi aallartikkuit aatsaat suliffimmik sungiusarfissarnik qinnuteqassaatit.
Aamma semester 9-mi qaammatit pingasut Bachelorinngorniarnermi suliffimmik misiliissaatit - taanna semester 8-mi qinnuteqaatigineqassaaq.

Ineqarneq
Eqqumaffigissavat inissamik tunineqanngitsoornissavit piareersimaffiginissaa Ilinniartunut inissiamik tunineqanngikkuit tamanna immikkut Majoriaq aqqutigalugu qinnutigissavat. Sisimiuni ilinniartut tamarmik inissinneqartarput.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 6 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Maskinmesterit amerlanerit Nunami pisortatut sulisarput, tassani erngup nukinganik nukissiorfinni, nukissiorfinni, saliivinni, ineqarfinni aamma kiassaateqarfinni, il.il. maskinat anginerusut ingerlanneqarnerinut pisortaasarlutik.
Maskinmesteritut periarfissaqarputit mingutitsinnngitsumut allannguinermut sulinissamut periarfissaqarputit, assersuutigalugu nukissiutit mannakkut pigineqartut, teknikikkut atortut pisinnaasasa annertusarneqarneratigut, mingutitsinnerusumik nukissiuuteqarnissamut tuniasassiornermullu ineriartortitseqataallutit. Suliniutinut pisortatut, tuniniaanermi ingerniøritut, Avatangiisinut aamma pitsaassutsimut pisortatut imaluunniit nukissiuuteqarnermi siunnersortitut sulisinnaavutit.

Ilinniagaq una ilinniaqqiffissanut arlalinnut periarfissiivoq.

Ilinniarnermik aaqqissuussineq
Ilinniagaq danmarkimi:
Ilinniagaq Sisimiut

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.