Kiffartuusineq pillugu naammagittaalliorneq

Kiffartuussineq pillugu naammagittaalliorneq tassaavoq peqqinnissaqarfimmi kiffartuussinerup pitsaassusaa pillugu naammagittaalliorneq. Kiffartuussinerup pitsaassusaa imatut paasisassaavoq suliffeqarfimmi peqqissaavimmi, peqqinnissakkut sullinneqarnermut atatillugu naammagittaalliornermut attuumassuteqanngitsoq kisianni assersuutigalugu katsorsaavimmi pissutsinut, sulisup pissusaanut, nerisaqartitsinerup pitsaassusaanut assigisaanullu tunngavoq. Quppernermi uani peqqinnissaqarfimmi kiffartuussineq pillugu naammagittaalliorsinnaavutit.

Pisortatinit aqunneqartunit peqqinnissaqarfinni kiffartuussineq pillugu naammagittaalliorsinnaavutit, ilaatigut:

• Sulisut pissusilersornerat.
• Eqqiluisaarneq.
• Ammasarfiit.
• Utaqqinerup sivisussusaa.
• Najukkami pissutsit.

Pisuni aalajangersimasumi ukunani qaleriittoqarsinnaavoq ass. utaqqineq kiffartuussineq pillugu naammagittaalliuuteqarnermut attuumassuteqarpoq imaluunniit peqqinnissakkut katsorsartinnermut atatillugu naammagittaalliuut, ass. katsorsartinniarluni utaqqinerup sivisunera pissutigalugu katsorsartinneq naammaginarsimanngippat. Nalorniguit ilitsersuunneqarusullutillu Nunatsinni Nakorsaaneqarfimmut attaveqarsinnaavutit. Ataani immikkoortumi ”Attaveqarfissat” attaveqarnissamut paasissutissat allaqqapput.

Kiffartuussineq pillugu naammagittaalliuutigineqartup imarisaa malillugu suliarineqartarpoq. Kiffartuussineq pillugu naammagittaalliuummit taarsiiffigitittoqarsinnaanngilaq imaluunniit allaffissornikkut aalajangiisoqarsinnaanngilaq. Kiffartuussineq pillugu naammagittaalliuut napparsimasunut, qanigisaasunut il.il taakku peqqinnissaqarfimmi kiffartuussinerup pitsaassusaa pillugu sullinneqarnermut naammagittaalliuuteqarsinnaanerannut peqqinnissaqarfiullu tamanna pillugu eqqumaffiginerulersinnissaanut periarfissinniarlugu, sullissinerullu pitsaassusaanut pitsanngorsaalluarnissaannut iluaqutaasinnaapput.

Malugiuk:
Peqqinnissaqarfimmi napparsimasunut siunnersortit ullut tamaasa nal. 13:00-miit 15:00-mut attavigineqarsinnaapput, tassanilu suna pillugu naammagittaalliortoqassanersoq eqqartorneqassaaq kiisalu peqqinnissaqarfimmi periarfissat pisinnaatitaaffiillu pillugit paasissutissanik sukumiinerusunik pissarsisoqarluni.

Sulianik suliarinninnermi piffissaq atorneqartartoq:
Peqqinnissaqarfimmi aqutsisunit tiguneqarnaraniit, kiffartuussineq pillugu naammagittaalliutigisat suliarineqarnera qaammatit pingasut pallillugit sivisussuseqarsinnaanissaa naatsorsuutigissavat.

Kiffartuussineq pillugu naammagittaalliutit assersuutitut ukununnga tunngasinnaapput:
”Napparsimmavimmut sianerpunga sulisumillu oqaloqateqarnissara akunnerpaalunni utaqqivara, paasissutissaatikka piumavai paasitippaanngalu ullup ingerlanerani attavigineqassasunga kisianni attavigineqanngilanga.”

”Immikkoortortaqarfimmi sulisumit naammaginartumik ikiorneqanngilanga nerisaqartinneqarnangalu, aali piffissami tassani innangaannartuullunga. ”

” Ippassaq unitsinneqarpunga. Suliaritinnginninni uffaqquneqarpunga, uffariarama uffarfik ipertooq naammattoorpara. Sulisunut saaffiginnippunga. Sulisunit uffarfik eqqiarneqarusunngilaq uffa atortariaqariga."

Eqqiluisaarnermut, pissusilersuutinut, nerisaqarnermut, nakorsap utaqqineranut imaluunniit peqqissaavimmi utaqqinermut assigisaaniluunniit pisunut atugassarititaasunut naammaginanngitsunik nalaataqarsimaguit, quppernermi uani sullissineq pillugu naammagittaalliornissamut periarfissaqarputit.

Malugiuk: Kiffartuussineq pillugu naammagittaalliuutaanngitsut ataani assersuutigineqarput.
” Seeqqukkut suliaritinnera pillugu naammagittaalliuteqarpunga. Suliaritinnera naammaginanngilaq, anniartangaarama allaat nikorfasinnaanngilanga.
Suliaritinninniit qaammatit pingasunngormata anniangaarama nikorfasinnaajunnaarama napparsimmavimmut sianerpunga. Nakorsap oqaluussama seeqqora misissorumanngilaa.”

” Peqqinnissaqarfimmi katsorsartinnera pillugu naammagittaalliorpunga. Eqqortumik katsorsarneqanngilanga kukkusumillu nakorsaaserneqarlunga.”

Naammagittaalliutigineqartussaq kiffartuussineq pillugu naammagittaalliutaanngitsunut assersuutinut marlunnut eqqaanarpat, peqqinnissakkut sullinneqarneq pillugu naammagittaalliornermut assersuutit atuartariaqassavatit. Peqqinnissakkut sullinneqarneq pillugu naammagittaalliutinut paasisaqarnerorusukkuit una linkeq tooruk.

Kiffartuussineq pillugu naammagittaalliut tulliuttut arlaat atorlugit nassiutissavat:

• Immersugassaq Sullissivik.gl-imi imminut sullinneq aqqutigalugu MitID atorlugu iseriarlutit ”Ugguuna kiffartuussineq pillugu naammagittaalliuut nassiuguk” immersussavat tassanngaanniillu nassiullugu imaluunniit
• Naammagittaalliuut anillatseriarlugu immersoriarlugu e-maili aqqutigalugu uunga nassiuguk, nun@nanoq.gl, imaluunniit allakkatigut Nunatsinni Nakorsaaneqarfik postboks 120, 3900 Nuuk

Naammagittaalliutigineqartup nassiunnissaanut ikiortariaqaruit uani ikiortissinnaavutit:

• Najukkami kommunimi Innuttaasunut sullissivik (teknikkikkut ikiuunneq) imaluunniit
• Nunatsinni Nakorsaaneqarfik uunga attaveqarlutit nun@nanoq.gl imaluunniit oqarasuaammut uunga 34 51 92.

Malugiuk:
Inuk alla sinnerlugu naammagittaalliorniaruit, piginnaatitsissummik immersueqqaarluni aatsaat taamaasiortoqarsinnaavoq.
Piginnaatitsisussaq immersueriarluni atsioriarlugu e-maili aqqutigalugu uunga, nun@nanoq.gl, nassiussissaaq.

Kiffartuussineq pillugu naammagittaalliuteqarnissaamut piumasaqaatit

Peqqinnissakkut katsorsartinnermut atatillugu naammagittaalliuuteqarnermut attuumassuteqanngippat kisianni illit katsorsartinnernut atugassarititanut attuumassuteqarpat naammagittaalliorsinnaavutit.

Naammagittaalliuut peqqinnissakkut katsorsartinnermut atatillugu naammagittaalliuummut aamma taarsiiffigitinnissamut qinnuteqaammut tunngassanngillat.
Peqqinnissakkut katsorsartinnermut atatillugu naammagittaalliuuteqassasuit, una qupperneq aqqutigalugu naammagittaalliuuteqassaatit: Peqqinnissakkut katsorsartinnermut atatillugu naammagittaalliuut.
Taarsiiffigitinnissamut atatillugu qinnuteqarniaruit una qupperneq aqqutigalugu qinnuteqassaatit: Taarsiiffigitinneq.

Piginnaatitsissut - Inuk alla sinnerlugu naammagittaalliuuteqassaguit
Angajoqqaatut imaluunniit meeqqamut angajoqqaatut akisussaatitaasutut, meeraq 18 ataallugit ukioqarpat, meeraq sinnerlugu naammagittaalliuuteqarsinnaavutit.
Inuk oqartussasoq sinnerlugu naammagittaalliuteqassaguit, illit naammagittaalliuummik Nunatsinni Nakorsaaneqarfimmut nassiussitinnak, inuk taanna piginnaatitsissummik qinnuteqassaaq. Tassani aamma pineqarpoq inuk taanna qanigisarigaluaraanniluunniit assersuutigalugu angajoqqaaq, qitornarisaq inersimasoq aapparisarluunniit.

Piginnaatitsissut pisariaqarpoq pissutigalugu peqqinnissaqarfimmi sulisut sulianullu sullissisut taakku kisimik paasissutissat tusarliunneqarsinnaanngitsut inuttullu atukkat suliamut tassunga tunngasut akuersissummik peqarmata.

"Immersugassaq piginnaatitsissut" una toorlugu aasinnaavat

Naammagittaalliuutit sapinngisamik suliarilluagaatinniarlugu pisoq ingerlaannaq pereerneraniit piaarnerpaamik naammagittaalliuutiginissaa pisariaqarpoq.

Naammagittaalliorniartillutit piffissaq sivisooq ingerlareertoq naammagittaalliuuteqassaguit peqqinnissaqarfimmi sullissisut suliaq qanoq ingerlasimanersoq eqqaamajuminaatsissinnaavaa imaluunniit suliffinni allanngortissimasinnaavaa. Naammagittaalliuut suliariniarneranut ilungersunartorsiortitsisinnaavoq. Kiffartuussineq pillugu naammagittaalliuut piffissamik killigititaqanngilaq.

Pisortat peqqinnissaqarfianni sullissineq pillugu naammagittaalliuut suliarineqarnera
Nunatsinni Nakorsaaneqarfimmit naammagittaalliuutit tiguneqarpat tigusinermik allagartamik allagarsissaatit.
Suliaq Nunatsinni Nakorsaaneqarfimmit nalilersorneqalerpat suliap ingerlanera kiisalu qanoq sivisutigisumik suliarineqassanersoq pillugit paasissutissamik allagarsissaatit.

Nunatsinni Nakorsaaneqarfiup suliaq ilinnut tunngasoq oqartussat allat suleqatigalugit aamma suliarlu sumut tunnganersoq apeqqutaalluni sulianik sullissisunut allanut ingerlateqqissavaa.

Peqqinnissaqarfimmi sullissineq pillugu naammagittaalliuutit Peqqissutsimut Aqutsisoqarfimmi Peqqinnissaqarfiup Qullersaqarfianut ingerlateqqinneqartarput.

Peqqinnissaqarfiup Qullersaqarfiani Peqqinnissaqarfimmi aqutsisut naammagittaalliuut tigusartik tunngavigalugu qanoq pisoqarsimanera misissussavaat. Peqqinnissaqarfiup Qullersaqarfiani Peqqissutsimut Aqutsisut ilaatigut peqqinnissakkut sullissisunit immikkoortortamiilluunniit naammagittaalliutinnit paasissutissanik pissarsiniassapput.
Naammagittaalliuutit suliarineqassappat suliami paasissutissat pillugit saaffiginnissutigineqartut, naammagittaalliuutit allanillu uppernarsaaneq, Nunatsinni Nakorsaaneqarfimmi sulianik sullissisartunit aamma Peqqinnissaqarfimmi Aqutsisoqarfimmit ilaatigut aqutsisunit piffissaq ingerlasumi suliarineqarnerani nassiunneqartut akisassavatit.

Saaffiginnissutigineqartut akineqarneq ajorpata suliaq amigartumik tunngaveqarluni suliarineqassaaq. Inernerisinnaavaalu naammagittaalliuutit isumaqatiginnginneranik kiisalu suliap ingerlanera sivitsorsinnaaneranik inerneqarsinnaalluni.

Sullinneqarneq pillugu naammagittaalliuutivit Peqqinnissaqarfiup qullersaqarfiani suliarineqarnerata qaammatit pingasut pallillugit sivisussuseqarsinnaanissaa naatsorsuutigisinnaavat.

Suliaq kiffartuussineq pillugu naammagittaalliuut naammassinnginnerani paasissutissanik allanik atorsinnaasunik ilassutissaqaruit periarfissaqarputit.

Suliamut atatillugu paasissutissanik nutaanik peqaruit Nunatsinni Nakorsaaneqarfimmut e-maili aqqutigalugu uunga nassiussisinnaavutit: nun@nanoq.gl imaluunniit Nunatsinni Nakorsaaneqarfiup oqarasuaataanut uunga 34 51 92 sianersinnaavutit. Ammasarfiit ataasinngorneq – tallimanngorneq nal. 10:00 – 14:00.